ஆண் வாரிசு இல்லாததால் நடந்த கொடூரம்; ஏழு வயது மகளை கால்வாயில் வீசிக் கொன்ற தந்தை  ஆண் வாரிசு இல்லாததால் மனமுடைந்த  ஒருவர், தனது ஏழு வயது மகளை தனது மனைவியின் கண் முன்னே கால்வாயில் வீசிக் கொன்ற சம்பவம் இடம்பெற்றுள்ளது. குழந்தையின் உடல் கால்வாயில் கண்டெடுக்கப்பட்டதை அடுத்து, மனைவி தனது குடும்பத்தினரிடம் உண்மையை கூறியதால் குற்றம் வெளிச்சத்துக்கு வந்துள்ளது. சம்பவம் குறித்து மேலும் தெரியவருகையில் கடந்த10 ஆம் திகதி சந்தேகநபராக விஜய் சோலங்கி தனது மனைவி அஞ்சனாவையும் அவர்களது மூத்த மகள் பூமிகாவையும் ஒரு மோட்டார் சைக்கிளில் கோவிலுக்கு அழைத்துச் சென்றபோது இந்த சம்பவம் நடந்துள்ளது.திரும்பி வரும் வழியில், நர்மதா கால்வாயின் மீதுள்ள வாகாவத் பாலத்தின் அருகே, அவர் வாகனத்தை நிறுத்தி, குழந்தையை கால்வாயின் கைப்பிடிக்கு அழைத்துச் சென்று, திடீரென தண்ணீரில் வீசியதாகக் கூறப்படுகிறது.இந்த சம்பவம் குறித்து யாரிடமும் சொல்ல வேண்டாம் என்று விஜய் தன்னை எச்சரித்ததாகவும், சொன்னால் விவாகரத்து செய்து விடுவதாகவும் கூறியதாக அஞ்சனா பின்னர்  பொலிசாரிடம் தெரிவித்துள்ளார். ஆரம்பத்தில் பயந்துபோன  அஞ்சனா, மீன்களைப் பார்த்துக் கொண்டிருந்தபோது பூமிகா கால்வாயில் தவறி விழுந்துவிட்டதாக பொலிசாரிடம்  கூறினார்.இருப்பினும், உடல் மீட்கப்பட்டபோது, பொலிசார் இதில் ஏதேனும் தவறு நடந்திருக்கலாம் என சந்தேகிக்கத் தொடங்கினர். பின்னர் அஞ்சனா தனது சகோதரர்களிடம் குற்றம் குறித்து கூறினார்.இந்த தம்பதியருக்கு மூன்று வயதில் மற்றொரு மகள் உள்ளார். மகன் இல்லாததால் விஜய் மகிழ்ச்சியடையவில்லை என்றும், அடிக்கடி தன்னுடன் வாக்குவாதம் செய்து வந்ததாகவும் அஞ்சனாவின் புகாரில் குறிப்பிடப்பட்டுள்ளது.தங்கள் மகளைக் கொல்லும் திட்டத்தின் ஒரு பகுதியாக விஜய் அவர்களை கோவிலுக்கு அழைத்துச் சென்றதாக அஞ்சனா தெரிவித்துள்ளார். குடும்ப உறுப்பினர்களை விசாரித்து, முரண்பாடுகளை மதிப்பாய்வு செய்த பிறகு, பாரதிய நியாய சன்ஹிதாவின் பிரிவுகளின் கீழ் போலீசார் கொலைக் குற்றத்தைப் பதிவு செய்தனர். விஜய் சோலங்கி கைது செய்யப்பட்டு மேலும் விசாரணை நடந்து வருகிறது.