சிரியா மீதும் இஸ்ரேல் வான்வழித் தாக்குதல் சிரியா மீதும் இஸ்ரேல் வான்வழித் தாக்குதல் சிரிய பாதுகாப்பு அமைச்சகத்தின் மீதும், தலைநகர் டமாஸ்கஸில் உள்ள ஜனாதிபதி மாளிகை அருகேயும் இஸ்ரேலிய இராணுவம் வான்வழித் தாக்குதல்களை நடத்தியுள்ளது.  ட்ரூஸுக்கும் பாதுகாப்புப் படைகளுக்கும் இடையே சண்டை நடந்து வரும் நாட்டின் தெற்கிலிருந்து சிரிய அரசாங்கப் படைகள் திரும்பப் பெறப்படாவிட்டால் தாக்குதல்களை அதிகரிப்பதாக இஸ்ரேல் அச்சுறுத்தியதைத் தொடர்ந்து இந்த தாக்குதல்கள் நடந்துள்ளன.இந்தத் தாக்குதலில் சிரியாவில் ஒருவர் கொல்லப்பட்டு 18 பேர் காயமடைந்துள்ளனர் என்று தெரிவிக்கப்படுகின்றது. அல் ஜசீராவின் மூத்த அரசியல் ஆய்வாளர் மர்வான் பிஷாரா, சிரியாவில் இஸ்ரேலிய தாக்குதல்களை "கொச்சையான கண்காட்சி" என்று  தெரிவித்துள்ளார்.  இஸ்ரேல் "அதன் அனைத்து அண்டை நாடுகளுக்கும் தான் புதிய பிராந்திய மேலாதிக்கம் என்பதை மீண்டும் நிரூபிக்க முயற்சிக்கிறது" என்று கூறினார்.அமெரிக்காவின் ஆதரவுடன் இஸ்ரேல் பெய்ரூட், டமாஸ்கஸ், தெஹ்ரான் மற்றும் சனாவில் குண்டுவீச்சு நடத்த முடிந்தது என்றும், மத்திய கிழக்கில் கொள்கையை ஆணையிடும் திறன் கொண்டதாக உணர்கிறது என்றும் பிஷாரா  தெரிவித்தார். இஸ்ரேலின் "முக்கிய குறிக்கோள் சிரியாவைப் பிரித்து பலவீனப்படுத்துவதும், அதன் சிறுபான்மையினரை, அவர்கள் ட்ரூஸாக இருந்தாலும் சரி, குர்துகளாக இருந்தாலும் சரி, அலவைட்டுகளாக இருந்தாலும் சரி, டமாஸ்கஸில் உள்ள மத்திய அரசாங்கத்திற்கு எதிராகத் திருப்புவதும் ஆகும்" என்று அவர் மேலும் தெரிவித்துள்ளார்.