விளையாட்டு வீரர்களுக்கான செயலி அறிமுகம் விளையாட்டு வீரர்களின் நீரேற்றம் மற்றும் ஊட்டச்சத்து மேலாண்மையை மேம்படுத்தும் புதிய மொபைல் பயன்பாடான “Sip to Fit”, இளைஞர் விவகாரங்கள் மற்றும் விளையாட்டு அமைச்சகத்தின் டங்கன் ஒயிட் ஆடிட்டோரியத்தில் அதிகாரபூர்வமாக அறிமுகம் செய்யப்பட்டது.இந்த செயலி, பயிற்சி அமர்வுகளின் போது வியர்வை மூலம் உடலில் இருந்து இழக்கப்படும் நீர் மற்றும் சோடியத்தின் அளவை மதிப்பிட விளையாட்டு வீரர்களுக்கு உதவுகிறது. இந்த செயலியை மருத்துவ ஆராய்ச்சி நிறுவனத்தின் ஊட்டச்சத்து நிபுணர் டாக்டர் ஹஷான் அமரதுங்க உருவாக்கியுள்ளார்.இதன் மூலம் அவர்கள் தங்களின் நீரேற்றம், மீட்சி மற்றும் உடல் செயல்திறனை மேலும் சிறப்பாக நிர்வகிக்க முடியும்.மேலும், விளையாட்டு செயல்திறனை மேம்படுத்த தேவையான ஊட்டச்சத்து திட்டமிடல் மற்றும் கண்காணிப்பிற்கும் இந்த செயலி பயன்படக்கூடியதாக வடிவமைக்கப்பட்டுள்ளது.இளைஞர் விவகாரம் மற்றும் விளையாட்டுத்துறை அமைச்சர் சுனில் குமார கமகே தலைமையில் நடைபெற்ற இந்த அறிமுக நிகழ்வில், பளுதூக்கும் தடகள வீரர் ஹர்ஷன குணதிலக்க, விளையாட்டு நிறுவனங்களின் அதிகாரிகள் பலரும் கலந்து கொண்டனர்.நிகழ்வில் உரையாற்றிய அமைச்சர் கமகே, இன்றைய சர்வதேச விளையாட்டு போட்டிகளில் வெற்றிபெறும் வீரர்கள் அறிவியல் மற்றும் தொழில்நுட்பத்தின் ஆதரவுடன் உருவாக்கப்படுகின்றனர் என குறிப்பிட்டார். இலங்கை விளையாட்டு வீரர்களும் உலகளவில் போட்டித்தன்மையுடன் நிலைநிறுத்த, தொழில்நுட்ப அடிப்படையிலான கண்டுபிடிப்புகளை ஏற்றுக்கொள்ள வேண்டிய அவசியம் இருப்பதாக அவர் வலியுறுத்தினார்.உள்ளூர் விளையாட்டு மேம்பாட்டில் தொழில்நுட்பத்தை ஒருங்கிணைப்பதில் “Sip to Fit” செயலி முக்கிய பங்காற்றும் எனவும் அவர் தெரிவித்தார்