Nine Arch பாலத்தில் ஒளிரும் விளக்குகள் - AI இன் போலி வீடியோவால் சிக்கலில் பயணிகள் டெமோதராவில் உள்ள Nine Arch பாலம் சிறப்பு விளக்கு அமைப்புடன் ஒளிரப்படுவதைக் காட்டும் AI ஆல் உருவாக்கப்பட்ட வீடியோ சமூக ஊடகங்களில் பரவி வருவதாக உள்ளூர் மற்றும் வெளிநாட்டு சுற்றுலாப் பயணிகளுக்கு எச்சரிக்கை விடுக்கப்பட்டுள்ளது. போலி வீடியோவால் தவறாக வழிநடத்தப்பட்ட பின்னர் நெதர்லாந்தைச் சேர்ந்த சுற்றுலாப் பயணிகள் குழுவும் சில உள்ளூர் சுற்றுலாப் பயணிகளும் சுற்றுலா தலத்தைப் பார்வையிட்டதாகத் தெரிவிக்கப்படுகின்றது.Nine Arch பாலம் மற்றும் அதன் பிரபலமான ரயில் சுரங்கப்பாதையில் ஒரு சிறப்பு விளக்கு அமைப்பை நிறுவ அரசாங்கம் முடிவு செய்திருந்தாலும், அந்த அமைப்பு இன்னும் ஆரம்பிக்கப்படவில்லை. எனவே, உள்ளூர் மற்றும் வெளிநாட்டு சுற்றுலாப் பயணிகள் தவறான தகவல்களால் தவறாக வழிநடத்தப்பட வேண்டாம் என்று வலியுறுத்தப்பட்டுள்ளனர்.