தேயிலை கொழுந்து பறித்த வேளையில் நடந்த விபரீதம் - ஐவர் வைத்தியசாலையில் தேயிலைக் கொழுந்து பறித்துக்கொண்டிருந்த போது குளவிக் கொட்டுக்கு இலக்காகி 5 பெண் தொழிலாளர்கள் வைத்தியசாலையில் அனுமதிக்கப்பட்டுள்ளனர். இந்தச் சம்பவம் பொகவந்தலாவ பொலிஸ் பிரிவிற்குட்பட்ட கெர்கஸ்வோல்ட் தோட்டத்தின் மேற்பகுதியில் இன்று (14) இடம்பெற்றுள்ளது. தோட்டத்தில் தேயிலை கொழுந்து பறித்துக் கொண்டிருந்த பெண் தோட்டத் தொழிலாளர்கள் மீது குளவி கொட்டியது. இதன்போது காயமடைந்த 5 பெண்கள் பொகவந்தலாவ பிரதேச வைத்தியசாலையில் அனுமதிக்கப்பட்டுள்ளனர்.தோட்டத்தின் மேற்பகுதியில் உள்ள மரமொன்றில் கட்டப்பட்டிருந்த குளவி கூடு மீது பருந்தொன்று தாக்குதல் நடத்தியதால், அங்கிருந்து கலைந்த குளவிகள்  தாக்கியதாக தெரிவிக்கப்பட்டுள்ளது. காயமடைந்த பெண்கள்  பொகவந்தலாவ வைத்தியசாலையில் சிகிச்சை பெற்று வருகின்றனர்.