பலத்த காற்றால் முறந்து விழுந்த பாரிய மரம்; வாகன சாரதிகளுக்கு விடுக்கப்பட்ட எச்சரிக்கை மலையக பகுதிகளில் பெய்து வரும் மழை மற்றும் பலத்த காற்று காரணமாக இன்று அதிகாலை ஹட்டன்-கொழும்பு பிரதான வீதியில் பாரிய மரம் ஒன்று விழுந்ததால் போக்குவரத்து முற்றிலுமாக பாதிக்கப்பட்டது.ஹட்டன்-கொழும்பு பிரதான வீதியில் ரொசெல்ல பகுதியில் இருந்த பெரிய மரம் ஒன்று, அதிகாலை 4:00 மணியளவில் பிரதான வீதியில் விழுந்ததால், அதிகாலை 5:00 மணி வரை வீதியில் போக்குவரத்து முற்றிலுமாக பாதிக்கப்பட்டது.வட்டவளை பொலிஸ் பொறுப்பதிகாரி மற்றும் பொலிஸ் அதிகாரிகளால் மரம்  வெட்டப்பட்ட பின்னர், வீதியின் போக்குவரத்து ஒரு வழிப்பாதையாக மட்டுப்படுத்தப்பட்டுள்ளது.நிலவும் பலத்த காற்று மற்றும் மழை காரணமாக, ஹட்டன்-கொழும்பு மற்றும் ஹட்டன்-கண்டியின் பிரதான வீதிகள் மற்றும் ஏனைய சிறு வீதிகளிலும் மரங்கள் மற்றும் மண்சரிவு ஏற்படும் அபாயம் உள்ளது. எனவே அந்த வீதிகளில் வாகனம் செலுத்தும் போது கவனமாக வாகனம் ஓட்டுமாறு நுவரெலியா மாவட்ட இடர் முகாமைத்துவ பிரிவு வாகன சாரதிகளை கேட்டுக்கொள்கிறது.