எடை குறையலையா கலோரி மட்டும் காரணமல்ல;உடல் பருமனை வெல்லும் புதிய ரகசியங்கள் உடல் எடையைக் குறைக்கப் பட்டினி கிடக்கிறீர்களா அல்லது கலோரிகளை மட்டும் கணக்கிடுகிறீர்களா அப்படியானால் நீங்கள் ஒரு முக்கியமான உண்மையை மறந்துவிட்டீர்கள் நீங்கள் என்ன சாப்பிடுகிறீர்கள் என்பதை விட, 'எப்போது' மற்றும் 'எவ்வளவு வேகத்தில்' சாப்பிடுகிறீர்கள் என்பதுதான் உங்கள் எடையைத் தீர்மானிக்கிறது என்கிறது நவீன அறிவியல். இரவு 9 மணிக்கு மேல் சாப்பிடும் சிற்றுண்டி உங்கள் இதயத்திற்கு ஆபத்தா உணவை 30 நிமிடம் ரசித்துச் சாப்பிட்டால் பசி எடுக்கும் ஹார்மோன்கள் எப்படி மாறுகின்றன எடையைக் குறைக்க உதவும் 'கால ஊட்டச்சத்து' பற்றிய வியப்பூட்டும் தகவல்கள் இதோ"நமது உடல் 24 மணிநேர சர்க்காடியன் சுழற்சிக்கு (Circadian Rhythm) ஏற்பச் செயல்படுகிறது.பிற்பகல் 3 மணிக்கு முன்னதாக மதிய உணவு உண்பவர்கள் எடையை எளிதில் குறைக்க முடிகிறது.இரவு 9 மணிக்கு மேல் சிற்றுண்டி உண்பது ரத்தச் சர்க்கரை மற்றும் 'கெட்ட கொழுப்பை' அதிகரித்து, இதய நோய் அபாயத்தை உருவாக்குகிறது.உணவை அவசரமாக விழுங்குபவர்கள் அதிக கலோரிகளை உட்கொள்கின்றனர். இதற்குப் பின்னால் ஒரு உயிரியல் காரணம் உள்ளது.வயிறு நிறைந்து விட்டது என்ற சமிக்ஞையை மூளைக்கு அனுப்பும் GLP-1 மற்றும் PYY போன்ற ஹார்மோன்கள் சுரக்க 30 முதல் 60 நிமிடங்கள் ஆகின்றன.உணவை 20 நிமிடங்களுக்கு மேலாக ரசித்துச் சாப்பிடும் போது, பசி குறைகிறது மற்றும் ரத்தச் சர்க்கரை அளவு திடீரென அதிகரிப்பது தடுக்கப்படுகிறது.நாம் உணவை எவ்வளவு தூரம் மெல்லுகிறோம் என்பது அதிலிருந்து உடல் உறிஞ்சும் கலோரிகளின் அளவைத் தீர்மானிக்கிறது.உதாரணமாக  முழு பாதாம் பருப்புகளை அரைகுறையாக மென்று சாப்பிடும் போது, அதிலுள்ள அனைத்து கலோரிகளையும் உடல் உறிஞ்சுவதில்லை. ஆனால், பாதாம் வெண்ணெய் அல்லது அரைத்த பாதாம் பருப்பிலிருந்து உடல் அதிக கலோரிகளைப் பிரித்தெடுக்கிறது.ஒரே உணவைச் சாப்பிட்டாலும் ஒவ்வொரு நபரின் உடலும் அதை வெவ்வேறு விதமாக எதிர்கொள்கிறது.இதற்கு நமது குடலில் வாழும் நுண்ணுயிரிகளே காரணம்.சிலருக்குத் தக்காளி ரத்தச் சர்க்கரையை உயர்த்துகிறது, சிலருக்கு வாழைப்பழம்.ஒரே மாதிரியான மரபணு கொண்ட இரட்டையர்கள்கூட ஒரே உணவுக்கு மாறுபட்ட வளர்சிதை மாற்ற எதிர்வினைகளைக் கொண்டுள்ளனர்.உடல் எடையைக் குறைக்க விரும்புவோர் அதிக நார்ச்சத்து உள்ள உணவுகளைச் சேர்ப்பதுடன், உணவை நன்றாக மென்று, சரியான நேரத்திற்குச் சாப்பிடுவதைப் பழக்கமாக்கிக் கொள்ள வேண்டும்.