நிதியமைச்சின் செயலாளர் பதவியிலிருந்து விலகுகிறார் மஹிந்த சிறிவர்தன  நிதி அமைச்சின் செயலாளர் மகிந்த சிறிவர்தன, இந்த ஜூன் மாத இறுதியில் நிதி அமைச்சின் செயலாளர் பதவியில் இருந்து ஓய்வு பெற உள்ளதாக ஜனாதிபதி அநுர குமார திசாநாயக்க தெரிவித்துள்ளார்.நிதி அமைச்சின் செயலாளர் பதவியில் இருந்து ஓய்வு பெற்ற பிறகு, மகிந்த சிறிவர்தன ஆசிய வளர்ச்சி வங்கியின் (ADB) மாற்று நிர்வாக இயக்குநராகப் பொறுப்பேற்பார் என்று ஜனாதிபதி   தெரிவித்துள்ளார்.இன்று (02) காலை ஜனாதிபதி செயலகத்தில் நடைபெற்ற தேசிய வரி வாரத்தின் ஆரம்ப நிகழ்வில் கலந்து கொண்டு உரையாற்றும் போதே ஜனாதிபதி இதனைத் தெரிவித்தார். சமீபத்திய வரலாற்றிலும் உலக வரலாற்றிலும் மிகக் குறைந்த வரி விதிக்கும் நாடாக நாம் மாறிவிட்டோம்.இது நமது நாட்டை மீண்டும் ஒரு நியாயமான பொருளாதார தளமாக மாற்றுவதற்கான ஒரு முயற்சியாகும்.நிதி அமைச்சின் செயலாளர் மகிந்த சிறிவர்தனவால் நிறைய நிறுவன சீர்திருத்தங்கள் மற்றும் சட்ட சீர்திருத்தங்கள் நிறைவேற்றப்பட்டுள்ளன.இந்தப் பணியில் அவரைப் பற்றி நான் சொல்ல விரும்புகிறேன், இந்த மாத இறுதியில் அவர் நமது நிதி அமைச்சின் செயலாளர் பதவியில் இருந்து ஓய்வு பெறுவார் என்று நினைக்கிறேன்.இந்த மாத இறுதியில் அவர் ஆசிய வளர்ச்சி வங்கியின் மாற்று நிர்வாக இயக்குநராகப் பொறுப்பேற்கவுள்ளார்இலங்கை உட்பட 7 நாடுகளை மாற்று நிர்வாக இயக்குநராக பிரதிநிதித்துவப்படுத்துவார் என கூறியுள்ளார்.இந்த சந்தர்ப்பத்தைப் பயன்படுத்தி அவருக்கு நன்றியைத் தெரிவித்துக் கொள்கிறேன். இந்த வரி சீர்திருத்தங்களைச் செயல்படுத்துவதில் அவர் வகித்த பங்கை நாம் பாராட்ட வேண்டும். என கூறியுள்ளார்.