மாவட்ட ரீதியில் முதல்நிலைப் பெறுபேறுகள் - ஜனாதிபதி நிதியில் 100000 ரூபா பரிசுத்தொகை 2023/2024 கல்விப் பொதுத் தர உயர்தரப் பரீட்சைகளில் மாவட்ட அளவில் சிறந்து விளங்கியவர்களை கௌரவிக்கும் விழா, ஜனாதிபதி நிதியத்தின் அனுசரணையுடன், பாராளுமன்ற சபாநாயகர் ஜகத் விக்ரமரத்ன தலைமையில், அனுராதபுரம் மத்திய கல்லூரியில்  கடந்த 31 ஆம் திகதி நடைபெற்றது. இந்த விழாவின் போது, ​​2023 மற்றும் 2024 உயர்தரப் பரீட்சைகளில் ஆறு பாடப் பிரிவுகளிலும் 1 முதல் 10 வரை இடங்களைப் பெற்ற அனுராதபுரம் மற்றும் பொலன்னறுவை மாவட்டங்களைச் சேர்ந்த 241 மாணவர்களுக்கு சான்றிதழ்கள் மற்றும் தலா 100,000 ரூபா ஊக்கத்தொகை வழங்கப்பட்டது. பாராளுமன்ற அறிக்கையின்படி, ஜனாதிபதி நிதியத்தின் இந்த முயற்சிக்கான மொத்த செலவு ரூ. 24.1 மில்லியன் ஆகும்.ஜனாதிபதியின் மூத்த கூடுதல் செயலாளரும் ஜனாதிபதி நிதியத்தின் செயலாளருமான திரு. ரோஷன் கமகே வரவேற்புரையை நிகழ்த்தி, நிகழ்ச்சித்திட்டத்தின் நோக்கங்களை விளக்கினார்.சிறப்புரையாற்றிய சபாநாயகர் ஜகத் விக்ரமரத்ன, மக்களுக்கு மிகவும் திறமையான மற்றும் பயனுள்ள சேவைகளை வழங்குவதன் மூலம் ஜனாதிபதி நிதியம் இப்போது அதன் உண்மையான பங்கை நிறைவேற்றி வருவதாகத் தெரிவித்தார். மேலும், இந்த முயற்சி குறித்து மிகுந்த திருப்தியையும் தெரிவித்தார்.இந்த நிகழ்வில் காணி மற்றும் நீர்ப்பாசன பிரதி அமைச்சர் சுசில் ரணசிங்க மற்றும் வடமத்திய மாகாண ஆளுநர் வசந்த ஜினதாச ஆகியோரும் உரையாற்றினர். சேனா நாணயக்கார, பாக்ய ஸ்ரீ ஹேரத் மற்றும் திலின சமரக்கோன் உள்ளிட்ட நாடாளுமன்ற உறுப்பினர்கள் விருந்தினர்களாக கலந்து கொண்டனர்.