அவர்களுக்கு எங்களிடையே இடமில்லை-நெதன்யாகு விடுத்த எச்சரிக்கை காசா போர் தொடர்பான ‘NAZA’ ஆவணப்படத்தை தயாரித்தவர்களை குறிவைத்து, இஸ்ரேல் பிரதமர் பெஞ்சமின் நெதன்யாகு கடுமையான நடவடிக்கைகள் எடுக்கப்படும் என எச்சரித்துள்ளார்.வெனிஸ் திரைப்பட விழாவில் சிறப்பு ஜூரி விருது பெற்ற இந்த ஆவணப்படத்தில், இஸ்ரேலிய இராணுவம் மற்றும் உளவுத்துறையைச் சேர்ந்த 24 பேர் அளித்த ரகசிய சாட்சியங்கள் இடம்பெற்றுள்ளன. காசாவில் பொதுமக்கள் உயிரிழப்புகள் இராணுவ நடவடிக்கைகளில் திட்டமிடப்பட்ட வகையில் கணக்கில் கொள்ளப்பட்டதாக அவர்கள் கூறுகின்றனர். இஸ்ரேல் இராணுவம் இந்தக் குற்றச்சாட்டுகளை மறுத்துள்ளது.இந்த விவகாரத்தில், இஸ்ரேலிய வீரர்களை அவதூறாக சித்தரிப்பதாகக் கூறப்படும் நபர்களின் குடியுரிமையை ரத்து செய்வதற்கான சட்டத்தையும், அவதூறு வழக்குகளில் விதிக்கப்படும் நஷ்டஈட்டை 20 மடங்கு அதிகரிக்கும் சட்டத்தையும் கொண்டு வரப்போவதாக நெதன்யாகு தெரிவித்துள்ளார்.“அவர்களின் பணப்பையிலும் குடியுரிமையிலும் தாக்குவோம்; அவர்களுக்கு எங்களிடையே இடமில்லை” என அவர் தெரிவித்துள்ளார்.இதனிடையே, ஆவணப்படத்தின் இயக்குநர்கள் யுவல் ஆபிரகாம் மற்றும் ரேச்சல் சோர் மீது சட்ட நடவடிக்கை எடுப்பது குறித்து இஸ்ரேலிய இராணுவமும் பரிசீலித்து வருகிறது.இந்த விவகாரம், காசா போர் தொடர்பான கருத்து சுதந்திரம், பத்திரிகை சுதந்திரம் மற்றும் இஸ்ரேலிய இராணுவத்தின் செயல்பாடுகள் குறித்த கடுமையான அரசியல் சர்ச்சையை ஏற்படுத்தியுள்ளது.