தற்காலிக தபால் அதிகாரிகள் 378 பேருக்கு நிரந்தர நியமனங்கள். தற்காலிக துணை தபால் நிலைய அதிகாரிகள் 378 பேருக்கு ஓய்வூதிய சலுகைகளுடன் கூடிய நிரந்தர நியமனங்கள் வழங்கப்பட்டுள்ளன. சுகாதார மற்றும் ஊடக அமைச்சர் டாக்டர் நளிந்த ஜெயதிஸ்ஸ தலைமையில் கொழும்பு மாவட்டச் செயலக கேட்போர் கூடத்தில் கடந்த சனிக்கிழமை குறித்த நியமனங்கள் வழங்கப்பட்டன.  முறையான நேர்காணல் செயல்முறை மூலம் தேர்ந்தெடுக்கப்பட்ட வேட்பாளர்களை உறுதிப்படுத்த அமைச்சரவை ஒப்புதல் அளித்ததைத் தொடர்ந்து இந்த நியமனங்கள் வழங்கப்பட்டன. புதிய தேர்வு செயல்முறைக்கு முன்னர் கடமைகள் ஒதுக்கப்பட்ட கூடுதலாக 196 நபர்களும் நிரந்தர நியமனங்களுக்கு பரிசீலிக்கப்பட்டு வருகின்றனர்.  இதன்போது கருத்துத் தெரிவித்த  அமைச்சர் ஜெயதிஸ்ஸ, 1921 ஆம் ஆண்டு ஆறு அலுவலகங்களுடன் தொடங்கப்பட்ட துணை தபால் நிலைய அதிகாரி சேவை, தீவு முழுவதும் 3,410 கிளைகளாக விரிவடைந்துள்ளது. இந்தப் பணி நவம்பர் 12, 1994 முதல் ஓய்வூதியம் பெறக்கூடியதாக அங்கீகரிக்கப்பட்டதாகவும், 1978 முதல், துணை தபால் நிலைய அதிகாரிகள் பொது சேவை வருங்கால வைப்பு நிதிக்கு பங்களித்துள்ளது.  துணை அஞ்சல் மேலாளர்கள் முன்னர் அலுவலக வளாகங்களுக்கு  1,500 ரூபா மாதாந்த கொடுப்பனவைப் பெற்றிருந்தாலும், வருமானத்தை அடிப்படையாகக் கொண்டு இது ஏப்ரல் 1, 2025 முதல்  7,500 ரூபாவாக அதிகரிக்கப்பட்டுள்ளது.  ஆட்சேர்ப்பு செயல்பாட்டில் கடந்த காலத்தில் ஏற்பட்ட சிக்கல்களுக்கு தேவையான சீர்திருத்தங்கள் செயல்படுத்தப்பட்டுள்ளன. அஞ்சல் சேவையை நவீனமயமாக்குவதற்கான முயற்சிகளை ஆதரிக்க அனைத்து அஞ்சல் தொழிற்சங்கங்களுக்கும் அழைப்பு விடுக்கின்றேன்.  போட்டி அல்லது அரசியல் காரணங்களுக்காக சேவைகளை சீர்குலைப்பதைத் தவிர்க்க வேண்டும். - என்றார்.