ஊடக அடையாள அட்டைகளுக்கு புதிய விதிமுறைகள்  அரசாங்கத் தகவல் திணைக்களத்தினால் இதுவரை காலம் முறைசாரா வழங்கப்பட்ட “ஊடக அடையாள அட்டைகள்” இனி புதிய விதிமுறைகளின் அடிப்படையில் மட்டுமே வழங்கப்படும் என்று அரசாங்க தகவல் பணிப்பாளர் ஹர்ஷ பண்டார தெரிவித்துள்ளார்.இதுவரை சுமார் 8,100 அடையாள அட்டைகள் வழங்கப்பட்டிருந்தன.ஆனால், தகுதியானவர்களைத் தெரிவு செய்வதன் மூலம் இதை 5,000 வரை குறைக்க முடியும் என்றும் அவர் குறிப்பிட்டார்.2026ஆம் ஆண்டில், 877 பிரதேச ஊடகவியலாளர்களைச் சேர்ந்த சுமார் 4,700 ஊடகவியலாளர்களுக்கு மட்டுமே புதிய அட்டைகள் வழங்க திட்டமிடப்பட்டுள்ளது. மற்ற அரசு நிறுவனங்களின் ஊடகப் பிரிவினர்களையும் சேர்த்தால், இந்த எண்ணிக்கை 5,000 ஆகும்.அட்டைகள் எண்ணிக்கையை குறைப்பது, தகுதியானவர்களை புறக்கணிப்பதல்ல, மாறாக தகுதியற்றவர்களுக்கு சென்று தவறாகப் பயன்படுவதைக் குறைப்பதற்கே என்று அவர் விளக்கினார்.அரசு மற்றும் தனியார் ஊடகவியலாளர்களுக்கு பாகுபாடின்றி, வரவு செலவுத் திட்டத்தில் ஒதுக்கப்பட்ட நிதி வாயிலாக முறைப்படி வாய்ப்புகள் வழங்கப்படும்.இதுவரை சில அதிகாரிகள் மட்டுமே வெளிநாட்டுப் பயணங்களில் பங்கேற்று வந்த நிலையில், இனி அனைத்து ஊடகவியலாளர்களுக்கும் அந்த வாய்ப்புகள் முறையாக பகிரப்படும் என்றும் அவர் உறுதி அளித்தார்.