அமெரிக்காவுக்கு நோஸ்கட் கொடுத்த ஈரான் மறுப்பு -போர் முடிவுக்கு வருமா போரை முடிவுக்குக் கொண்டுவருவதற்காக அமெரிக்காவுடன் மீண்டும் பேச்சுவார்த்தைகளைத் தொடங்குமாறு தெஹ்ரான் எந்தக் கோரிக்கையும் விடுக்கவில்லை என ஈரான் வெளியுறவு அமைச்சகத்தின் செய்தித் தொடர்பாளர் இஸ்மாயில் பாகாயி தெரிவித்துள்ளார்.தெஹ்ரானில் செய்தியாளர்களிடம் பேசிய அவர், தற்போதைய நிலைமை “போர் மேலாண்மை” அல்ல எனக் குறிப்பிட்டார்.மேலும், தொடர்ச்சியான போர்க்குற்றங்களும், அவற்றைப் பற்றிப் பெருமை பேசுவதும், சியோனிச ஆட்சியின் செல்வாக்கின் கீழ் தாங்களே உருவாக்கிய பேரழிவிலிருந்து தப்பிக்க மேற்கொள்ளப்படும் முயற்சிகள் மட்டுமே என அவர் கடுமையாக விமர்சித்தார்.இந்த நடவடிக்கைகளுக்கான விலையை சம்பந்தப்பட்டவர்கள் தவிர்க்க முடியாமல் செலுத்த வேண்டியிருக்கும் என்றும் பாகாயி எச்சரித்துள்ளார்.இதற்கிடையில், சமீபத்திய வாரங்களில் அமெரிக்காவுக்கும் ஈரானுக்கும் இடையிலான பதற்றம் மேலும் தீவிரமடைந்துள்ளது.அமெரிக்கா தாக்குதல்களை நடத்தி வருவதாகக் குற்றம் சாட்டும் ஈரான், அதற்கு பதிலடியாக மத்திய கிழக்கு முழுவதும் உள்ள அமெரிக்க இராணுவத் தளங்கள் மற்றும் இராணுவ உபகரணங்கள் எனக் கூறப்படும் இலக்குகளை குறிவைத்து தாக்குதல் நடத்தி வருவதாக தெரிவிக்கப்படுகிறது.