டிரம்பை புறக்கணித்த இஸ்ரேல்-ஈரான் மீது இஸ்ரேல் அசுர தாக்குதல் மத்திய கிழக்கு பிராந்தியத்தில் ஏற்பட்டுள்ள தற்காலிக போர்நிறுத்த உடன்பாடுகளை சுக்குநூறாக்கும் வகையில், இஸ்ரேல் பாதுகாப்புப் படைகள் (IDF)  ஈரான் நாட்டின் மீது பயங்கரமான வான்வழித் தாக்குதலை (Retaliatory Strikes) நடத்தியுள்ளன. அமெரிக்க அதிபர் டொனால்ட் டிரம்ப், இஸ்ரேல் பிரதமர் பெஞ்சமின் நெதன்யாகுவிடம் இந்தத் தாக்குதலை நடத்த வேண்டாம் எனத் திட்டவட்டமாகக் கோரிக்கை விடுத்திருந்த நிலையிலும், அதனையும் மீறி இஸ்ரேல் இந்த அதிரடி நகர்வை மேற்கொண்டுள்ளது ஒட்டுமொத்த உலகையும் அதிர்ச்சியில் ஆழ்த்தியுள்ளது.இஸ்ரேலிய விமானப் படையின் (IAF) போர் விமானங்கள், ஈரானின் மேற்கு மற்றும் மத்தியப் பகுதிகளில் அமைந்துள்ள மிக முக்கிய ராணுவ இலக்குகளைக் (Military Targets) குறிவைத்து அதிநவீன ஏவுகணைகளை வீசி அசுரத் தாக்குதல் நடத்தியுள்ளன. ஈரானிய ஊடகங்கள் வெளியிட்டுள்ள அவசரத் தகவல்களின்படி, ஈரானின் பிரதான நகரங்களான  தெஹ்ரான் (Tehran),தப்ரிஸ் (Tabriz), மற்றும்இஸ்ஃபஹான் (Isfahan)ஆகிய பகுதிகளில் அடுத்தடுத்து பயங்கரமான வெடிப்புச் சத்தங்கள் கேட்டுள்ளன. மேலும், தெஹ்ரானுக்கு அருகிலுள்ள காராஜ் (Karaj) நகரிலும் அசுர வெடிப்புகள் பதிவாகியுள்ளன. இந்தத் தாக்குதலுக்கு இஸ்ரேல் வான்வழியாக ஏவப்படும் பாலிஸ்டிக் ஏவுகணைகளைப் (Air-Launched Ballistic Misiles) பயன்படுத்தியுள்ளதாக ஈரானின் இஸ்லாமியப் புரட்சிகரக் காவல் படை (IRGC) தெரிவித்துள்ளது.இந்தத் திடீர் வான்யுத்தத்தின் பின்னணி குறித்துத் தெரியவருவதாவது, லெபனான் தலைநகர் பெய்ரூட்டின் தெற்குப் புறநகர்ப் பகுதிகளில் இஸ்ரேல் நடத்திய கொடூரமான வான்வழித் தாக்குதல்களைக் கண்டித்து, ஈரான் இஸ்லாமியக் குடியரசு இஸ்ரேலை நோக்கிப் பல ஏவுகணைகளை ஏவி அதிரடித் தாக்குதல் நடத்தியிருந்தது.வடக்கு இஸ்ரேலில் உள்ள ரமத் டேவிட் (Ramat David) விமானப்படைத் தளத்தை இலக்கு வைத்து ஈரான் நடத்திய இந்த ஏவுகணை வீச்சானது, ஏப்ரல் மாதம் அமலுக்கு வந்த போர்நிறுத்தத்திற்குப் பிறகு இஸ்ரேல் மீது ஈரான் நடத்திய முதல் நேரடித் தாக்குதலாகும்.ஈரான் நடத்திய ஏவுகணைத் தாக்குதலுக்குப் பிறகு, நிலைமை மேலும் மோசமடைவதைத் தடுக்கும் நோக்கில், அமெரிக்க அதிபர் டொனால்ட் டிரம்ப் இஸ்ரேல் பிரதமர்