அமெரிக்கா - ஈரான் பேச்சுவார்த்தை எதிரொலி: மசகு எண்ணெய் விலை அதிரடி சரிவு கடந்த சில மாதங்களாகத் தொடர்ந்து உயர்வைக் கண்டுவந்த சர்வதேச சந்தை மசகு எண்ணெய் விலை, தற்போது திடீரென கணிசமான வீழ்ச்சியைச் சந்தித்துள்ளது.மத்திய கிழக்கின் முக்கிய கடல் வழியான 'ஹோர்முஸ் நீரிணையை'  மீண்டும் திறப்பது தொடர்பாக, அமெரிக்காவிற்கும் ஈரானுக்கும் இடையே விரைவில் ஒரு சுமுகமான உடன்பாடு எட்டப்படலாம் என உயர் அதிகாரி ஒருவர் வெளியிட்டத் தகவலே இந்த விலை சரிவுக்கு முதன்மை காரணமாகக் கருதப்படுகிறது.WTI ரக மசகு எண்ணெய்: அமெரிக்க சந்தையில் WTI  ரக மசகு எண்ணெயின் விலை ஒரே அடியாக 5 சதவீதம் வரை சரிந்து, தற்போது ஒரு பீப்பாய் 76.32 டொலராகப் பதிவாகியுள்ளது.ப்ரென்ட்  ரக மசகு எண்ணெய்: சர்வதேச அளவுகோலாகக் கருதப்படும் ப்ரென்ட் ரக மசகு எண்ணெயின் விலை பீப்பாய் ஒன்று 80 டொலராகக் குறைந்துள்ளது.இரு நாடுகளுக்கும் இடையே எட்டப்படவுள்ள இந்த ஒப்பந்தச் சாதகமான சூழல், உலகளாவிய எரிபொருள் விநியோகத்தில் நிலவி வந்த பதற்றத்தைத் தணித்து, எண்ணெய் வர்த்தகத்தில் நேர்மறையான மாற்றத்தை ஏற்படுத்தியுள்ளது.