எகிறிய வேகத்தில் இறங்கிய தங்கம் ;12000 ரூபாவால் குறைந்தது உலக சந்தையில் கடந்த சில நாள்களாக தங்கத்தின் விலை எகிறிக்கொண்டு சென்ற நிலையில் தற்போது அதிரடியாகக் குறைந்து வருகின்றது. உலக சந்தையில் தங்கத்தின் விலை கடந்த வௌ்ளிக்கிழமையுடன் ஒப்பிடுகையில் சுமார் 200 அமெரிக்க டொலரால் வீழ்ச்சியடைந்துள்ளது. கடந்த வௌ்ளிக்கிழமை ஒரு அவுன்ஸ் தங்கத்தின் விலையானது 4,889 அமெரிக்க டொலராக காணப்பட்டது. எனினும் இன்றையதினம் உலக சந்தையில் ஒரு அவுன்ஸ் தங்கத்தின் விலையானது 4687 டொலராக வீழ்ச்சியடைந்துள்ளது. அதற்கு நிகராக இலங்கையிலும் தங்கத்தின் விலை தொடர்ந்தும் பாரியளவில் வீழ்ச்சி அடைந்து வருகின்றது. கொழும்பு செட்டியார் தெருவின் இன்றைய தங்க விற்பனை நிலவரப்படி, ஒரு பவுன் தங்கத்தின் விலை 12,000 ரூபா வரை குறைந்துள்ளதாக தெரிவிக்கப்படுகின்றது. அதற்கமைய, இன்று  22 கரட் ஒரு பவுன் தங்கம் 338,600 ரூபாவுக்கு விற்பனை செய்யப்படுகின்றது. அதேநேரம், '24 கரட்' ஒரு பவுன் தங்கத்தின் விலை, இன்று 368,000 ரூபாவாக விற்பனை செய்யப்படுகின்றது. இது கடந்த வௌ்ளிக்கிழமை 380,000 ரூபாவுக்கு விற்பனை செய்யப்பட்டிருந்தமை குறிப்பிடத்தக்கது.