வெனிசுலாவில் அமெரிக்க ராணுவத்தின் அதிரடி தாக்குதல் லத்தீன் அமெரிக்கா மற்றும் அமெரிக்கா முழுவதும் போதைப்பொருள் கடத்தல், கொலை, ஆள் கடத்தல் போன்ற கொடூரக் குற்றங்களில் ஈடுபட்டு வந்த ‘ட்ரென் டி அர்குவா’ (Tren de Aragua) என்ற சர்வதேசப் பயங்கரவாதக் கும்பலின்  தலைவன் ஹெக்டர் ரஸ்டன்ஃபோர்ட் குரேரோ புளோரஸ் என்ற ‘நினோ குரேரோ’ (Niño Guerrero, 43) அமெரிக்க ராணுவத் தாக்குதலில் கொல்லப்பட்டுள்ளார்.அதிபர் டொனால்ட் டிரம்பின் நேரடி உத்தரவின் பேரில், அமெரிக்கத் தெற்கு கட்டளைப் பிரிவு (US SOUTHCOM) மற்றும் வெனிசுலா பாதுகாப்புப் படைகள் இணைந்து நடத்திய அதிரடி வான்வழித் தாக்குதலில் (Kinetic Strike) அவர் வெற்றிகரமாகக் கொல்லப்பட்டதாகத் தனது ‘ட்ரூத் சோஷியல்’ (Truth Social) பக்கத்தில் டிரம்ப் அதிகாரப்பூர்வமாக அறிவித்துள்ளார்.அமெரிக்க சிஐஏ (CIA) மற்றும் சிறப்புப் படைகள், வெனிசுலா ராணுவத்துடன் இணைந்து அந்நாட்டின் பொலிவர் (Bolívar) மாகாணத்தில் இருந்த நினோ குரேரோவின் ரகசிய வளாகத்தின் மீது ஏவுகணைத் தாக்குதலை நடத்தின. இத்தாக்குதலில் கட்டிடம் வெடித்துச் சிதறும்  வீடியோவையும் டிரம்ப் பகிர்ந்துள்ளார்.அமெரிக்காவில் அக்கும்பலால் கொடூரமாகக் கொல்லப்பட்ட 12 வயது சிறுமி ஜோசலின் நுங்கரே மற்றும் லேகன் ரிலே ஆகியோரின் குடும்பங்களுக்கு இதன் மூலம் நீதி கிடைத்துள்ளதாக டிரம்ப் குறிப்பிட்டுள்ளார்.அமெரிக்காவால் ‘சர்வதேசப் பயங்கரவாத அமைப்பாக’ அறிவிக்கப்பட்டு, தேடப்பட்டு வந்த நினோ குரேரோவின் தலைக்கு அமெரிக்கா 5 மில்லியன் டாலர் வெகுமதி அறிவித்திருந்தது குறிப்பிடத்தக்கது.இந்த அதிரடித் தாக்குதல் மூலம் அமெரிக்காவுக்கு அச்சுறுத்தலாக விளங்கிய மாபெரும் போதைப்பொருள் கார்டெல் நெட்வொர்க் முற்றிலும் முடக்கப்பட்டுள்ளதாக அமெரிக்கப் பாதுகாப்புச் செயலர் பீட் ஹெக்செத் தெரிவித்துள்ளார்.