வவுனியாவில் திருநாவுக்கரசு நாயனார் குருபூசை அப்பர் சுவாமிகள் எனப் போற்றப்படும் திருநாவுக்கரசு நாயனாரின் குருபூசை தினத்தை முன்னிட்டு வவுனியாவில் பொதுமக்களுக்கு தாகசாந்தி வழங்கும் நிகழ்வு சிறப்பாக நடைபெற்றது.வவுனியா சுத்தானந்தா இந்து இளைஞர் சங்கத்தின் ஏற்பாட்டில் சங்க அலுவலகத்திற்கு முன்பாக இந்த தாகசாந்தி நிலையம் அமைக்கப்பட்டு பொதுமக்களுக்கான சேவைகள் முன்னெடுக்கப்பட்டன.சைவ சமயக் குரவர்களில் ஒருவரான திருநாவுக்கரசு நாயனாரின் முக்தி தினத்தை (குருபூசை) நினைவுகூரும் முகமாக வீதியால் பயணித்த பொதுமக்கள் மற்றும் பக்தர்களின் தாகத்தைத் தணிக்கும் நோக்கில் இந்த அறப்பணி முன்னெடுக்கப்பட்டது. இதன்போது தாகசாந்தி நிலையத்திற்கு வருகை தந்த அனைவருக்கும் உடல் நலத்திற்கு உகந்த மோர், குளிர்ச்சியான குளிர்பானங்கள் ஆகியன பரிமாறப்பட்டன.வவுனியா நகரின் பிரதான பகுதியில் அமைந்துள்ள சுத்தானந்தா இந்து இளைஞர் சங்கத்தின் இந்தச் செயற்திட்டத்திற்குப் பொதுமக்கள் தமது வரவேற்பையும் நன்றிகளையும் தெரிவித்தனர். குருபூசை தினத்தில் இவ்வாறான தர்ம காரியங்களை முன்னெடுப்பது நீண்டகாலமாகப் பேணப்பட்டு வரும் ஒரு ஆன்மீக மரபு என்பது குறிப்பிடத்தக்கது.