இலங்கை U-19 ஆசிய கோப்பை அணி; யாழ்ப்பாணத்தைச் சேர்ந்த இரண்டு வீரர்கள் தெரிவு இலங்கை U-19 ஆசிய கோப்பை அணியில்  யாழ்ப்பாணத்தைப் பிரதிநிதித்துவப்படுத்தி இரண்டு வீரர்கள் தெரிவாகியுள்ளனர். வரவிருக்கும் ACC ஆண்கள் U-19 ஆசிய கோப்பையில் (50 ஓவர்) பங்கேற்க 15 பேர் கொண்ட அணியை இலங்கை கிரிக்கெட் தேர்வுக் குழு அறிவித்துள்ளது. SLC அறிக்கையின்படி, இலங்கை அணி நாளை (10)  ஐக்கிய அரபு எமிரேட்ஸுக்குப் புறப்படும்.இலங்கை அணி நேபாளம், ஆப்கானிஸ்தான் மற்றும் வங்கதேசத்துடன் இணைந்து B குழுவில் இடம் பெற்றுள்ளது. இந்தப் பட்டியலில் யாழ்ப்பாணத்தைப் பிரதிநிதித்துவப்படுத்தி இரண்டு வீரர்கள் இடம்பிடித்துள்ளனர். யாழ்ப்பாணம் சென்.ஜோன்ஸ் கல்லூரியைச் சேர்ந்த குகதாஸ் மாதுளனும், யாழ்ப்பாணம் பருத்தித்துறை ஹாட்லிக் கல்லூரியைச் சேர்ந்த விக்னேஸ்வரன் ஆகாஷ் ஆகியோர் தெரிவாகியுள்ளனர்.