நாட்டின் பல பகுதிகளிலும் கைவரிசை காட்டிய நபர்கள் கைது. நாட்டின் பல்வேறு பகுதிகளில் மோட்டார் சைக்கிள் கொள்ளை மற்றும் சங்கிலி பறிப்பு சம்பவம் தொடர்பில் ஐந்து சந்தேக நபர்கள் கைது செய்யப்பட்டுள்ளதாக தம்புத்தேகம பொலிஸார் தெரிவித்தனர்.ராஜாங்கனை பகுதியில் நேற்றையதினம் நடத்தப்பட்ட சோதனையின் போது, ​​இரண்டு சந்தேக நபர்களை கைது செய்ததுடன், பதிவு செய்யப்படாத மோட்டார் சைக்கிளையும் அவர்களிடமிருந்து கைப்பற்றியுள்ளனர்.விசாரணைகளில், 38 மற்றும் 41 வயதுடைய சந்தேக நபர்கள் வஹல்கட பகுதியில் இருந்து மோட்டார் சைக்கிளை திருடியதாகவும், அது பதிவு செய்யப்பட்ட மோட்டார் சைக்கிள் என்றும் கண்டறியப்பட்டது. அதேவேளை சாலியபுராவில் உள்ள ஒரு வயலில் மறைத்து வைக்கப்பட்டிருந்த மோட்டார் சைக்கிளின் இலக்கத் தகடுகள் கண்டுபிடிக்கப்பட்டன.மேலதிக விசாரணைகளில், சந்தேக நபர்கள் அனுராதபுரம், கல்குலம மற்றும் தலாவ பகுதிகளில் மூன்று மோட்டார் சைக்கிள் கொள்ளைகள் மற்றும் நான்கு சங்கிலி பறிப்புகளை நடத்தியிருப்பது கண்டறியப்பட்டது.திருடப்பட்ட இரண்டு சங்கிலிகள் மற்றும் 02 மோட்டார் சைக்கிள்களை பொலிஸார் கைப்பற்றினர்.அதே நேரத்தில் திருடப்பட்ட பொருட்களை விற்பனை செய்ய உதவிய நான்கு சந்தேக நபர்களும் காவல்துறையினரால் கைது செய்யப்பட்டனர்.சந்தேக நபர்கள் 41 வயதுடைய ஒரு பெண் மற்றும் 25,39 மற்றும் 42 வயதுடைய மூன்று ஆண்கள் ஆவர்.அதேவேளை சந்தேக நபர்கள் பயன்படுத்திய வாள் மற்றும் ஒரு கத்தியையும் போலீசார் பறிமுதல் செய்துள்ளனர். இச் சம்பவம் தொடர்பில் தம்புத்தேகம போலீசார் மேலதிக விசாரணைகளை மேற்கொண்டு வருகின்றனர்.