நடுக்கடலில் இஸ்ரேலியப் படைகளின் வேட்டை-காசா உதவிப் படகுகள் சிறைபிடிப்பு காசாவிற்கு மனிதாபிமான உதவிகளை ஏற்றிச் சென்ற 'குளோபல் சுமுத்' (Global Sumud) கப்பல் குழுவின் சுமார் 12 படகுகளை இஸ்ரேலிய கடற்படை இன்று அதிகாலை அதிரடியாக வழிமறித்துச் சிறைபிடித்தது. இஸ்ரேலியக் கடற்கரையிலிருந்து சுமார் 1,000 கி.மீ  தொலைவில், கிரீட் தீவுக்கு அருகிலுள்ள சர்வதேச நீர்நிலையில் இந்தத் தாக்குதல் நடத்தப்பட்டுள்ளது.இஸ்ரேலியப் படையினர் லேசர் கருவிகள் மற்றும் தானியங்கி ஆயுதங்களைக் காட்டி ஆர்வலர்களை அச்சுறுத்தியதுடன், படகுகளின் தகவல் தொடர்பு சாதனங்களை (Communication Jamming) முற்றிலும் முடக்கியதாகக் கப்பலில் இருந்தவர்கள் தெரிவித்துள்ளனர்."காசாவிற்குச் செல்லும் கடல்வழி முற்றுகையை மீறுவது சர்வதேச விதிகளுக்கு எதிரானது" என இஸ்ரேலிய கடற்படை வானொலி மூலம் எச்சரிக்கை விடுத்தது.சிறைபிடிக்கப்பட்ட படகுகள் இஸ்ரேலின் அஷ்டோட் (Ashdod) துறைமுகத்திற்குக் கொண்டு செல்லப்படலாம் என எதிர்பார்க்கப்படுகிறது. அங்கு மனிதாபிமான உதவிகள் சோதனை செய்யப்பட்ட பின்னரே காசாவிற்கு அனுமதிக்கப்படும் என இஸ்ரேல் தெரிவித்துள்ளது.இத்தாலி, ஸ்பெயின் மற்றும் துருக்கி உள்ளிட்ட நாடுகளைச் சேர்ந்த ஆர்வலர்கள் இதில் உள்ளதால், இந்தச் சம்பவம் ஒரு மிகப்பெரிய இராஜதந்திரப் பிரச்சினையாக வெடிக்கக்கூடும் என அஞ்சப்படுகிறது.