சுயநினைவற்ற நிலையில் சிகிச்சை பெற்று வரும் ஈரான் உச்ச தலைவர் மொஜ்தபா கமேனி ஈரானின் புதிய உச்ச தலைவர் மொஜ்தபா கமேனி, இஸ்ரேலிய வான்வழித் தாக்குதலில் சிக்கித் தற்போது சுயநினைவற்ற நிலையில் (Comatose) சிகிச்சை பெற்று வருவதாக அதிர்ச்சித் தகவல்கள் வெளியாகியுள்ளன. அமெரிக்க மற்றும் இஸ்ரேலிய உளவுத்துறையின் ரகசியக் குறிப்புகளை மேற்கோள் காட்டி 'The Times of Israel' இந்தச் செய்தியை வெளியிட்டுள்ளது.பிப்ரவரி 28 அன்று அவரது குடும்பத்தையே பலிவாங்கிய ஆரம்பகட்டத் தாக்குதலில் மொஜ்தபா கமேனி பலத்த காயமடைந்தார்.தற்போது அவர் புனித நகரமான கோமில் (Qom) மிகவும் 'கடுமையான' நிலையில் சிகிச்சை பெற்று வருகிறார். மேலும் ஆட்சியின் எந்தவொரு முடிவெடுக்கும் செயல்முறையிலும் அவரால் பங்கேற்க இயலாது," என்று அமெரிக்க-இஸ்ரேலிய உளவுத் தகவல்களின் அடிப்படையில் அவர்களது வளைகுடா நட்பு நாடுகளுடன் பகிரப்பட்ட ஒரு தூதரகக் குறிப்பு தெரிவிக்கிறது. இதன் மூலம் ஈரானின் தலைமைத்துவம் தற்போது ஒரு "கேள்விக்குறியாக" மாறியுள்ளது.போர் தொடங்கியதிலிருந்து மொஜ்தபா கமேனியின் இருப்பிடம் குறித்துப் பல்வேறு மர்மங்கள் நீடித்த நிலையில், அவர் கோம் நகரில் இருப்பதை ஒரு அறிக்கை உறுதிப்படுத்துவது இதுவே முதல் முறையாகும்.ஈரான் அரசு அவர் நலமாக இருப்பதாகக் கூறி செயற்கை நுண்ணறிவு (AI) வீடியோக்களை வெளியிட்ட போதிலும், நிஜத்தில் அவர் மரணப் போராட்டத்தில் இருப்பதாக உளவுத் தகவல்கள் சுட்டிக்காட்டுகின்றன.