நாட்டில் முட்டை, கோழி இறைச்சியின் விலைகள் அதிகரிப்பு நாட்டில் முட்டை மற்றும் கோழி இறைச்சியின் விலைகள் அதிகரித்துள்ளதாக நுகர்வோர் குற்றம் சுமத்துகின்றனர். சாதாரண சந்தையில் முட்டை ஒன்று 35 ரூபாவிற்கும் அதிக விலைக்கு விற்பனை செய்யப்படுகின்றது.இதன்படி, பல்பொருள் அங்காடிகளில்  ஒரு முட்டை 55 – 60 ரூபாய் வரையான விலையில் விற்பனை செய்யப்படுகின்றது. ஒரு கிலோ கிராம் கோழி இறைச்சி சந்தையில் 1300 ரூபாய் என்ற அதிக விலைக்கு விற்பனை செய்யப்படுகின்றது.இந்நிலையில் விநியோகத்தர்கள்  விலைகளை அதிகரித்துள்ளதால், தாமும் விலையை கூட்ட வேண்டியதாகியுள்ளதாக வியாபாரிகள் தெரிவிக்கின்றனர்.தற்போது சந்தைக்கு கிடைக்கும் கோழி இறைச்சி மற்றும் முட்டை விநியோகத்தில் ஓரளவு தட்டுப்பாடு நிலவுவதாகவும் வியாபாரிகள் மேலும் குறிப்பிட்டுள்ளனர்.