ஒரே மேடையில் நடந்த இந்து முஸ்லீம் திருமணம்- மழையால் ஒன்றினைந்த நெகிழ்ச்சிச் சம்பவம் இந்தியாவில் மகாராஷ்டிர மாநிலத்தில் ஒரே மேடையில் இந்து முஸ்லீம் திருமணம் நடந்த நெகிழ்ச்சிச் சம்பவம் இடம்பெற்றுள்ளதுகுறித்த விடயம் தொடர்பில் மேலும் தெரியவருவதுதிடீரென பெய்த கனமழையின் விளைவாக, மத நல்லிணக்கத்தைக் குறிக்கும் வகையில், ஒரு முஸ்லிம் குடும்பம் கலக்கத்தில் இருந்த ஒரு இந்து குடும்பத்திற்கு உதவி செய்து தங்கள் திருமண மேடையை பகிர்ந்து கொண்டனர். புனேவின் வான்வாடி பகுதியில் ஒரு விருந்து மண்டபத்தில் ஒரு முஸ்லிம் தம்பதியினர் தங்கள் திருமண வரவேற்பை நடத்திக் கொண்டிருந்தபோது, மற்றொரு இந்து குடும்பம் அதே முற்றத்தில் வெளியே தங்கள் பிள்ளைகள் திருமணத்துக்கு ஒரு விதானத்தை அமைத்திருந்தது. திருமணம் நடக்க இருந்த நிலையில் முகூர்த்த நேரம் நெருங்கியதும், வானம் மேகமூட்டமாகி, இடி, மின்னலுடன் கூடிய பலத்த மழை பெய்யத் தொடங்கியது. இதன் விளைவாக, வெளியில் அமைக்கப்பட்டிருந்த விதானம் நனைந்தது. சுப நிகழ்வு தடைபட்டதால் இந்து குடும்பம் மற்றும் உறவினர்கள் கவலையடைந்தனர். மழை குறையுமா என்று சிறிது நேரம் காத்திருந்தும் எந்தப் பலனும் இல்லை. இந்த கடினமான நேரத்தில், விருந்து மண்டபத்தில் தங்கள் திருமண வரவேற்பைக் கொண்டாடிக் கொண்டிருந்த முஸ்லிம் குடும்ப உறுப்பினர்களை இந்து குடும்ப உறுப்பினர்கள் அணுகினர். தங்கள் இக்கட்டான நிலையை விளக்கி, திருமண விழாவை மண்டபத்தில் நடத்த அனுமதி கோரினர். முஸ்லிம் குடும்பத்தினர் அவர்களின் வேண்டுகோளுக்கு இணங்கி, தங்கள் மேடையைப் பகிர்ந்து கொள்ள மகிழ்ச்சியுடன் சம்மதித்தனர். அவர்களின் ஒத்துழைப்புடன், இந்து திருமணம் அவர்களின் மரபுகளின்படி சரியான நேரத்தில் முடிக்கப்பட்டது. பின்னர், இரு குடும்பத்தினரும் ஒன்றாக இரவு உணவு சாப்பிட்டனர். புதுமணத் தம்பதிகள் இருவரும் ஒரே மேடையில் ஒன்றாக புகைப்படங்களுக்கு போஸ் கொடுத்தது, அங்கு இருந்தவர்களை மிகவும் கவர்ந்தது.