பாதாள கும்பலின் 4 பில்லியன் ரூபா சொத்துக்கள் முடக்கம். போதைப்பொருள் கடத்தல் மற்றும் பாதாள உலக நடவடிக்கைகளுடன் தொடர்புடைய நபர்களின் 4 பில்லியன் ரூபாவுக்கும் அதிகமான சொத்துக்கள் முடக்கப்பட்டுள்ளது என்று பொது பாதுகாப்பு அமைச்சகம் தெரிவித்துள்ளது. சட்டவிரோத நடவடிக்கைகளுடன் தொடர்புடையவர்களால் சட்டவிரோதமாக சம்பாதிக்கப்பட்ட  சொத்துக்களை முடக்க  சட்டவிரோத சொத்துக்கள் மற்றும் அறிவுசார் சொத்து விசாரணைப் பிரிவால் முன்னெடுக்கப்பட்ட நடவடிக்கையில் இந்த சொத்துக்கள் முடக்கப்பட்டுள்ளன. அதற்கமைய சட்டவிரோத நடவடிக்கைகளில் ஈடுபட்ட 88 நபர்களின்  சொத்துக்கள் பொலிஸ் சட்டவிரோத சொத்துக்கள் மற்றும் அறிவுசார் சொத்து விசாரணைப் பிரிவால் கையகப்படுத்தப்பட்டுள்ளதாக பொது பாதுகாப்பு அமைச்சகம் தெரிவித்துள்ளது.சொத்துக்களின் மொத்த மதிப்பு 4,086,332, 324.22 ரூபா என்றும், அவை முக்கிய போதைப்பொருள் பிரபுக்கள் மற்றும் பாதாள உலகக் கும்பல்களுடன் தொடர்புடைய நபர்களுக்குச் சொந்தமானவை என்றும் அமைச்சகம் மேலும் தெரிவித்துள்ளது.