ஹோர்முஸ் ஜலசந்தி குறித்து டிரம்பின் கருத்து-ஈரானுக்கு அனுமதி கிடையவே கிடையாது ஹோர்முஸ் ஜலசந்தி தொடர்பாக அமெரிக்க அதிபர் டொனால்ட் டிரம்ப் புதிய கருத்தை வெளியிட்டுள்ளார்.அவர்  இது குறித்து கூறுகையில், "மக்கள் விரும்பினால் ஹோர்முஸ் ஜலசந்தி வழியாகச் செல்லலாம். ஆனால், நாங்கள் அதை ஈரானுக்காகத் திறக்கவில்லை. அதற்காக மட்டுமே அது மூடப்பட்டுள்ளது" என்று தெரிவித்துள்ளார்.டிரம்பின் இந்தக் கருத்து, ஹோர்முஸ் ஜலசந்தியில் நிலவும் பாதுகாப்பு பதற்றம் மற்றும் சர்வதேச கப்பல் போக்குவரத்து குறித்த கவலைகள் அதிகரித்துள்ள நிலையில் வெளியாகியுள்ளது.உலகின் முக்கியமான எண்ணெய் வர்த்தகப் பாதைகளில் ஒன்றாகக் கருதப்படும் ஹோர்முஸ் ஜலசந்தி தொடர்பான எந்த மாற்றமும், சர்வதேச எரிசக்தி சந்தை மற்றும் கடல் போக்குவரத்தில் குறிப்பிடத்தக்க தாக்கத்தை ஏற்படுத்தக்கூடியதாக பார்க்கப்படுகிறது.டிரம்பின் இந்தப் புதிய கருத்து, அமெரிக்கா–ஈரான் உறவுகள் மற்றும் வளைகுடா பிராந்தியத்தின் பாதுகாப்பு நிலைமை குறித்து மேலும் விவாதங்களை ஏற்படுத்தியுள்ளது.