புரோட்டீன் பவுடர் பயன்பாடு:சிறுநீரகங்களுக்குத் தெரியாமல் நீங்கள் கொடுக்கும் விஷம்-மருத்துவர்களின் அதிரடி எச்சரிக்கை இன்றைய அவசர உலகில் உடற்பயிற்சி செய்பவர்கள் மட்டுமின்றி, சாதாரண மக்களும் புரோட்டீன் பவுடர்களைத் தங்களின் காலை உணவாகவோ அல்லது ஸ்மூத்திகளாகவோ உட்கொள்வது அதிகரித்து வருகிறது.  ஆனால், இந்த மிதமிஞ்சிய பயன்பாடு சிறுநீரக ஆரோக்கியத்தில் பாரிய அச்சுறுத்தலை ஏற்படுத்தக்கூடும் என நிபுணர்கள் எச்சரிக்கின்றனர்.பெங்களூரு கிளெனேகிள்ஸ் பிஜிஎஸ் மருத்துவமனையின் மூத்த சிறுநீரகவியல் ஆலோசகர் டாக்டர் அனில் குமார் பி.டி. கூறுகையில், "ஆரோக்கியமான சிறுநீரகங்களைக் கொண்டவர்களுக்குப் புரோட்டீன் பவுடர் பாதிப்பை ஏற்படுத்தாது. ஆனால், புரதம் நிறைந்த உணவுகளுடன் சேர்த்துத் தன்னிச்சையாகப் பல ஸ்பூன் புரோட்டீன் பவுடர்களை எடுக்கும்போதுதான் பிரச்சனை ஆரம்பிக்கிறது," எனத் தெரிவித்துள்ளார்.உடல் புரதத்தைச் சிதைக்கும் போது உருவாகும் கழிவுகளைச் சிறுநீரகங்களே அகற்ற வேண்டும். அதிகப்படியான புரதம் இந்தச் சுமையை இரட்டிப்பாக்குகிறது என டாக்டர் ரத்தன் ஜா குறிப்பிடுகிறார்.புரோட்டீன் பவுடர் எடுப்பவர்கள் அதற்கு ஈடாகத் தண்ணீர் குடிக்கத் தவறுகின்றனர். இது சிறுநீரக அழுத்தத்தை அதிகரிப்பதோடு, சிறுநீரகக் கற்கள் (Kidney Stones) உருவாகவும் காரணமாகிறது.சில புரோட்டீன் பவுடர்களில் செயற்கை இனிப்பூட்டிகள் மற்றும் காலப்போக்கில் உடலில் சேரும் கன உலோகங்கள் (Heavy Metals) இருக்கலாம் என ARETE மருத்துவமனை நிபுணர்கள் எச்சரிக்கின்றனர்.புரோட்டீன் பவுடர்கள் ஒருபோதும் முழுமையான உணவிற்கு (Natural Foods) மாற்றாக அமையக் கூடாது என டாக்டர் ஹிமா தீப்தி அல்லா வலியுறுத்துகிறார்.இயற்கையான காய்கறிகள், பருப்பு வகைகள் மற்றும் சரிவிகித உணவே சிறந்தது.உங்கள் சிறுநீரகத்தின் தற்போதைய ஆரோக்கிய நிலை தெரியாமல் புரோட்டீன் பவுடர்களைத் தொடங்காதீர்கள்.புரோட்டீன் எடுக்கும்போது வழக்கத்தை விட அதிக அளவில் தண்ணீர் குடிப்பதை உறுதி செய்யுங்கள்.விளம்பரங்களைப் பார்த்து ஏமாறாமல், மருத்துவர் அல்லது ஊட்டச்சத்து நிபுணரின் பரிந்துரைப்படி சரியான அளவை மட்டும் உட்கொள்ளுங்கள் என நிபுணர்கள் எச்சரிக்கின்றனர்.புரோட்டீன் பவுடர்கள் உங்கள் இலக்கை அடைய உதவலாம், ஆனால் அவை உங்கள் ஆரோக்கியத்தைப் பறிக்காமல் பார்த்துக் கொள்வது உங்கள் கையில்தான் உள்ளது.