ஈழத்தை களமாகக் கொண்ட ‘போராட்டம்’ திரைப்படம் திரையரங்கில் வெளியீடு யாழ்ப்பாணத்தில் தயாரிக்கப்பட்டு, திரையரங்கில் வெளியாகியுள்ள போராட்டம் திரைப்படத்தின் சிறப்பு காட்சி யாழ்ப்பாணம் ரீகல் திரையரங்கில் நேற்றைய தினம் வியாழக்கிழமை இடம்பெற்றது.போராட்ட திரைபபடமானது , உதைப்பந்தாட்ட வீரரனொருவனின் கதையாக ஈழத்தை களமாக கொண்டு பல சவால்களுக்கு மத்தியில் ராஜ் சிவராஜ் இயக்கத்தில் உருவாகியுள்ளது.கதாநாயகனாக றீகன் அறிமுகமாகியுள்ளதுடன் , கதாநாயகியாக  நிவேதிகா ராசையா நடித்துள்ளார்.இந்த படத்திற்கு பூவன் மதீசன் இசை அமைத்துள்ளதுடன் , ஒளிப்பதிவாளராக ஏ.கே கமலும் , பணியாற்றியுள்ளனர்.படத்தில் பாடல்களை வாகீசன் ராசையா , உமாகரன் ராசையா , பொத்துவில் அஸ்மீன் , பூவன் மதீசன் , கே.எஸ் சாந்தகுமார் மற்றும் அருண் யோகதாசன் ஆகியோர் எழுதியுள்ளனர்.பாடல்களை தென்னிந்திய பிரபல இசையமைப்பாளரும் , பாடகருமான தேனிசை தென்றல் தேவா, பாடகர் சத்யன் , பாடகி கோவை கமலா ஆகியோருடன் , ஈழத்தின் பிரபல பாடகரான வாகீசன் இராசையா, கோகுலன் சாந்தன், தேவன் அய்யா , பூவன் மதீசன் , டயஸ் மற்றும் அக்சலா ஆகியோர் பாடியுள்ளனர்.திரைப்படத்தின் திரையிடல்கள் வெளிநாடுகளிலும் இடம்பெற்று வருவதுடன் , இலங்கையின் ஏனைய பாகங்களில் உள்ள திரையரங்குகளிலும் திரையிடலுக்கான பணிகள் நடைபெற்று வருகிறது