பாலத்துடன் மோதிய லொறி பறிபோன மாணவியின் உயிர்; சாரதியும் பலி - மற்றொருவர் படுகாயம் சாரதியின் நித்திரையால் விபரீதம் வீதியை விட்டு விலகிய லொறியொன்று பாலத்துடன் மோதியதுடன் மாணவியையும் மோதித் தள்ளியதில் மாணவி உயிரிழந்துள்ளதுடன் குறித்த லொறி சாரதியும் உயிரிழந்துள்ளார்.அநுராதபுரம் ஹொரவ்பொத்னை - கஹடகஸ்திகிலிய பிரதான வீதியில் உள்ள அலப்பத்தாவ பாலத்திற்கு அருகில் இன்று  இடம்பெற்றுள்ளது. விபத்தில் ஹொரவ்பொத்னை-மொரக்கேவ சிங்கள மஹா வித்தியாலயத்தில் கல்வி பயிலும் 10 வயது சிறுமியும், 27 வயதுடைய சாரதியுமே உயிரிழந்துள்ளனர்.விபத்துத் தொடர்பில் தெரியவருகையில், வவுனியாவிலிருந்து அனுராதபுரத்திற்கு கண்ணாடிகளை ஏற்றிச் சென்ற லொறியின் சாரதிக்கு ஏற்பட்ட தூக்க கலக்கத்தினால் லொறி வீதியை விட்டு விலகி அருகிலுள்ள பாலத்துடன் மோதி விபத்துக்குள்ளானது.விபத்தின் போது திகஹவெவ மொரக்கேவ வித்தியாலயத்தில் கல்வி பயிலும் 10 வயது மாணவி சதாசி விஹன்சா, பாடசாலை முடிவடைந்து வீடு திரும்பிக் கொண்டிருந்த நிலையில்  அவரை லொறி மோதித்தள்ளியதில் உயிரிழந்துள்ளதாகத் தெரிவிக்கப்படுகின்றது. லொறியில் மூன்று பேர் பயணம் செய்தத நிலையில், லொறியின் சாரதி சம்பவ இடத்திலேயே உயிரிழந்துடன் மற்றொரு நபர் பலத்த காயங்களுடன் ஹொரவ்பத்தானை மருத்துவமனையில் அனுமதிக்கப்பட்டு மேலதிக சிகிச்சைக்காக அனுராதபுரம் வைத்தியசாலைக்கு அனுப்பி வைக்கப்பட்டுள்ளதாகத் தெரிவிக்கப்படுகின்றது. உயிரிழந்த மாணவி மற்றும் சாரதியின் சடலம் வைத்தியசாலை பிரேத அறையில் வைக்கப்பட்டுள்ளது. விபத்து தொடர்பான மேலதிக விசாரணைகளை ஹொரவ்பொத்தானை பொலிஸார் முன்னெடுத்து வருகின்றனர்.