குச்சவெளி பிரதேச ஒருங்கிணைப்புக் குழு கூட்டம் திருகோணமலை மாவட்ட குச்சவெளி பிரதேச ஒருங்கிணைப்புக் குழு கூட்டமானது இன்று (18) மாவட்ட ஒருங்கிணைப்பு குழு தலைவரும் பிரதியமைச்சருமான அருண் ஹேமச்சந்திரா தலைமையில் பிரதேச செயலக மண்டபத்தில் இடம் பெற்றது.குச்சவெளி பிரதேச செயலாளர் சியாகுல் ஹக் அவர்களின் ஒழுங்கமைப்பில் இடம் பெற்ற குறித்த கூட்டத்தில் இலங்கை தமிழரசு கட்சியின் திருகோணமலை மாவட்ட பாராளுமன்ற உறுப்பினர் சண்முகம் குகதாசன், குச்சவெளி பிரதேச சபை தவிசாளர் ஏ.முபாரக் உட்பட திணைக்கள தலைவர்கள்,முப்படையினர் பிரதேச சபை உறுப்பினர்கள் என பலரும் கலந்து கொண்டனர்.குறித்த கூட்டத்தில் எதிர்கால அபிவிருத்தி மற்றும் போதை ஒழிப்பு , சுகாதார உட்கட்டமைப்பு காணிப் பிரச்சினைகள் தொடர்பிலும் கலந்துரையாடப்பட்டன.