திருகோணமலையில் உலக தாய்மொழி நாள் நிகழ்வு ஆண்டுதோறும் தமிழ் அமுதம்  கலைவட்டம் நடாத்தும்  உலக தாய்மொழி நாள் நிகழ்வு  கடந்த ஞாயிற்றுக்கிழமை ( 15)  தமிழ் அமுதம் கலைவட்டத்தின் தலைவர் சம்பூரணி  தலைமையில் , சம்பூர் செல்லக்குட்டி அருணோதயத்தின் அனுசரணையோடு மிகவும் சிறப்பான முறையில் திருகோணமலையில்  நடைபெற்றது.இந்நிகழ்வின் முதன்மை விருந்தினராக பேராசிரியர் பாலசுகுமார் , கௌரவ விருந்தினர்கள் சிறப்பு விருந்தினர்கள், இலக்கிய ஆர்வலர்கள், கலைஞர்கள் ஆசிரியர்கள் ,அதிபர்கள், மாணவர்கள் அனைவரும் கலந்து கொண்டனர்.சிலம்ப வரவேற்புடன் பேச்சு , கவிதை ,வரவேற்பு நடனம், ஆத்திசூடி,  நடனம் கவியரங்கு என்பன நடைபெற்று, பங்கு பற்றிய மாணவர்களுக்கான சான்றிதழ்களும் வெற்றிச் சின்னங்களும் வழங்கப்பட்டு, விருந்தினர்களுக்கான நினைவுச் சின்னங்களும் வழங்கி வைக்கப்பட்டது.