ஈரானில் நிலநடுக்கம்-போர் சூழலில் மக்களுக்கு புதிய நெருக்கடி ஈரான் நாட்டின் தெற்கு பகுதியில் இன்று 4.1 ரிக்டர் அளவிலான நிலநடுக்கம் ஏற்பட்டுள்ளதாக அமெரிக்க புவியியல் ஆய்வு மையம் (USGS) தெரிவித்துள்ளது.அதிகாரப்பூர்வ தரவுகளின்படி, இந்த நிலநடுக்கம் UTC நேரப்படி 03:18:12 மணிக்கு பதிவாகியுள்ளது. இது ஈரானின் உள்ளூர் நேரப்படி காலை சுமார் 06:48 மணியளவில் ஏற்பட்டதாக கணிக்கப்படுகிறது. நிலநடுக்கம் சுமார் 10 கிலோமீட்டர் ஆழத்தில் பதிவாகியுள்ளதால், இது ஒப்பீட்டளவில் ஆழமற்ற நிலநடுக்கமாக கருதப்படுகிறது.நிலநடுக்கத்தின் மையப்பகுதி பந்தர் அப்பாஸ் நகரத்திற்கு மேற்கே சுமார் 74 முதல் 75 கிலோமீட்டர் தொலைவில் அமைந்துள்ளது. இந்த நிலநடுக்கத்தால் உயிரிழப்பு அல்லது பெரிய கட்டமைப்பு சேதம் ஏற்பட்டதாக எந்த அதிகாரப்பூர்வ தகவலும் வெளியாகவில்லை.