செப்டம்பரில் எதிர்பார்க்கப்பட்ட இலக்கை பூர்த்தி செய்த சுங்க வருமானம் 2025 செப்டம்பர் 30ஆம் திகதிக்கு இலங்கை சுங்கத்தின் வருமானம் எதிர்பார்க்கப்பட்ட இலக்கை 117 சதவீதமாக பூர்த்தி செய்துள்ளதாக பாராளுமன்ற உறுப்பினர் விஜேசிறி பஸநாயக்கவின் தலைமையில் நடந்த கூட்டத்தில் இலங்கை சுங்கத்தின் அதிகாரிகள் தெரிவித்துள்ளனர்.மேலும், 2025 செப்டெம்பர் 30ஆம் திகதியில் இலங்கை சுங்கத்தில் எதிர்பார்க்கப்பட்ட வருமானம்  1485 பில்லியன் ரூபாய் ஆகும்.  ஆனால் 1737 பில்லியன் ரூபாய் வருமானம் கிடைத்துள்ளது.கடந்த வருடங்களுடன் ஒப்பிடுகையில் 2025இல் ஒவ்வொரு மாதமும் சுங்க வருமானம் முக்கியமாக அதிகரித்து வருகிறது.2025 அக்டோபர் 14ஆம் திகதிக்கு வாகன இறக்குமதி மூலம் அதிக வருமானம் சம்பாதிக்கப்பட்டது. இதன்போது 587.11 பில்லியன் ரூபாய் வருமானம் கிடைத்து உள்ளது.இது ஒட்டுமொத்த வருமானத்தின் 37 சதவீதம் ஆகும்.அந்த நாளில் 55,447 கார்கள் இறக்குமதி செய்யப்பட்டு, 472.26 பில்லியன் ரூபாய் சுங்கவரி வசூலிக்கப்பட்டது. மேலும், 733 சரக்குப் போக்குவரத்து வாகனங்களின் இறக்குமதியில் 48.67 பில்லியன் ரூபாய் வருமானம், ஒரு லட்சத்து 42,524 மோட்டார் சைக்கிள்கள் மற்றும் 15,035 முச்சக்கர வண்டிகளின் இறக்குமதியில் 30.3 பில்லியன் மற்றும் 15.10 பில்லியன் ரூபாய் வருமானம் கிடைத்துள்ளதாக அறிவிக்கப்பட்டது. 1679 பொதுப் போக்குவரத்து பஸ் மற்றும் வேன்கள் மூலம் 12.66 பில்லியன் ரூபாய் வருவாய் கிடைத்துள்ளது.