பாதாள உலகத்தை சுத்தம் செய்வது நிச்சயம் - அநுர அரசு உறுதி நாட்டில் மீண்டும் ஒரு பாதாள உலகம் உருவாகுவதற்கு வாய்ப்பில்லை. ஏனென்றால் இப்போது அந்த ஊழல் அரசியல் காலம் முடிந்துவிட்டது என பெருந்தோட்ட அமைச்சர் சமந்த வித்யாரத்ன தெரிவித்தார்.ஹட்டனில் இடம்பெற்ற நிகழ்வில் கலந்து கொண்ட பின்னர் ஊடகங்களுக்கு கருத்து தெரிவிக்கும் போதே அவர் இவ்வாறு தெரிவித்தார்.இது குறித்து மேலும் கருத்து தெரிவித்த அமைச்சர்,பாதாள உலகம் தனித்தனியாக செயற்படவில்லை. பாதாள உலகம் அரசியலால் வளர்க்கப்பட்டது. பின்னர், நெருக்கடி வந்தபோது, அவர்கள் ஒருவருக்கொருவர் சண்டையிடும் சூழ்நிலையாக மாறியுள்ளது. பாதாள உலகம் இலங்கைக்குள் மட்டுமல்ல, வெளியேயும் இயங்கி வருகின்றது. இப்போது, அதை நாங்கள் ஒழித்து வருகின்றோம். ஒவ்வொன்றாக, அதை சுத்தம் செய்வோம்.  பாதாள உலகத்திற்கு  இப்போது மன்னிப்பு இல்லை. எனவே, பாதாள உலகத்தை சுத்தம் செய்வது நிச்சயமாக முன்னெடுக்கப்படும்.பாதாள உலகம் இலங்கையை சர்வதேச மட்டத்திற்கு கொண்டு சென்றுள்ளது. அந்த அளவிற்கு பாதாள உலகத்திற்கு யார் உணவளித்தனர் இந்த அரசாங்கம் இல்லையெனில், பாதாள உலகத்திற்கு என்ன நடக்கும் நாடு அழிக்கப்பட்டு விடும்.பாதுகாப்பு தொடர்பான முடிவுகளை எடுக்கிறோம். பொதுப் போக்குவரத்திற்கு நிலையான பேருந்துகள் பயன்படுத்தப்படும் ஒரு நிலையை அடைந்துவிட்டோம். அந்த நடவடிக்கைகளை நாம் முன்னோக்கி எடுக்க வேண்டும் எனவும் மேலும் தெரிவித்தார்.