எதிர்வரும் பாராளுமன்ற அமர்வு தொடர்பில் வெளியான அறிவிப்பு. பாராளுமன்றம் நாளை(20) முதல் எதிர்வரும் வெள்ளிக்கிழமை(23) வரை கூடவுள்ளதாக பாராளுமன்ற செயலாளர் நாயகம் குஷானி ரோஹணதீர அறிவித்துள்ளார்.அதனடிப்படையில், சபாநாயகர் ஜகத் விக்ரமரத்ன தலைமையில் சில தினங்களுக்கு முன்னர் நடைபெற்ற நாடாளுமன்ற அலுவல்கள் குழுக் கூட்டத்தின் போது இந்த முடிவு எடுக்கப்பட்டுள்ளது.அந்தவகையில், பாராளுமன்ற நிலையியற் கட்டளை 22(1) முதல்(6) வரை காலை 9.30 மணி முதல் காலை 10.00 மணி வரை பாராளுமன்றத்தின் அலுவல்களுக்கு ஒதுக்கப்பட்டுள்ளது. வாய்மொழி பதில்களுக்கான கேள்விகளுக்கு காலை 10.00 மணி முதல் காலை 11.00 மணி வரை நேரம் ஒதுக்கப்பட்டுள்ளது.பாராளுமன்ற நிலையியற் கட்டளை 27(2) இன் கீழ் கேள்விகளுக்கு காலை 11.00 மணி முதல் காலை 11.30 மணி வரை நேரம் ஒதுக்கப்பட்டுள்ளது.அதன்பிறகு, காலை 11.30 மணி முதல் மாலை 5.00 மணி வரை, கலால் (சிறப்பு ஏற்பாடுகள்) சட்டத்தின் கீழ் உத்தரவு மீதான விவாதம் நடத்த திட்டமிடப்பட்டுள்ளது. பின்னர், மாலை 5.00 மணி முதல் மாலை 5.30 மணி வரை, எதிர்க்கட்சியால் ஒத்திவைப்பு நேரப் பிரேரணை விவாதத்திற்கு எடுத்துக்கொள்ளப்படவுள்ளதாகவும் அறிவிக்கப்பட்டுள்ளது.