ஈரானைச் சுற்றி வளைத்த அமெரிக்கா-கடலிலும், வான்வெளியிலும் அதிகரிக்கும் பதற்றம் மத்திய கிழக்கு பிராந்தியத்தில் ஈரானுக்கு எதிரான அமெரிக்காவின் தற்போதைய இராணுவ முற்றுகை நடவடிக்கை உச்சக்கட்டத்தை எட்டியுள்ளது.கடலிலும், வான்வெளியிலும், தரைப்பகுதியிலும் ஆயிரக்கணக்கான அமெரிக்கப் படை வீரர்கள் முழு வீச்சில் களமிறக்கப்பட்டு, ஈரானை நோக்கிய முற்றுகையைத் தீவிரமாக ஆதரித்து, தங்களின் பிடியை இறுக்கி வருகின்றனர்.இந்நிலையில், ஜூன் 1 ஆம் தேதி நிலவரப்படி, அமெரிக்க மத்திய கட்டளை அமைப்பான 'சென்ட்காம்' (US CENTCOM) படைகள், சர்வதேச விதிமுறைகளுக்கு இணங்குவதை உறுதி செய்வதற்காக, ஈரான் நோக்கிச் சென்ற 121 வர்த்தகக் கப்பல்களை அதிரடியாக வேறு வழிகளுக்குத் திருப்பிவிட்டுள்ளன. மேலும், தடையை மீற முயன்ற 5 முக்கியக் கப்பல்களைச் செயலிழக்கச் செய்து (Seized/Disabled) அதிரடி நடவடிக்கை மேற்கொண்டுள்ளன.ஈரானின் சர்வதேச வர்த்தகம் மற்றும் ஆயுத விநியோகப் பாதைகளை முற்றிலும் முடக்கும் நோக்கில், அமெரிக்கா இந்தத் தீவிர முற்றுகை நடவடிக்கையை மேற்கொண்டுள்ளது. இதற்காக பசிபிக் மற்றும் மத்திய கிழக்கு கடல் பகுதிகளில் ஆயிரக்கணக்கான அமெரிக்க தரைப்படை, கடற்படை மற்றும் விமானப்படை வீரர்கள் இரவும் பகலும் தீவிரக் கண்காணிப்பில் ஈடுபடுத்தப்பட்டுள்ளனர்.சர்வதேச விதிமுறைகள் மற்றும் தடைகளை ஈரான் மீறுவதைத் தடுப்பதே தங்களின் முதன்மை இலக்கு என அமெரிக்கா அறிவித்துள்ளது. வான்வெளியில் அமெரிக்காவின் அதிநவீன போர் விமானங்களும், கடலில் பிரம்மாண்ட போர்க்கப்பல்களும் ஈரானின் எல்லைப் பகுதிகளைச் சுற்றியுள்ள சர்வதேசப் பாதைகளைத் தங்களின் முழுக் கட்டுப்பாட்டிற்குள் கொண்டு வந்துள்ளன.