இந்தியாவில் AI தொடர்பான உச்சிமாநாடு புதுத் தில்லியில் இன்று  (16) தொழில்நுட்பத்தின் சவால்கள், வேலைப்பாதுகாப்பு மற்றும் குழந்தை பாதுகாப்பு தொடர்பான முக்கியக் கவலைகளை முன்னிறுத்தி, ஐந்து நாள் உலகளாவிய செயற்கை நுண்ணறிவு (AI) உச்சிமாநாடு தொடங்கியுள்ளது. இந்த உச்சிமாநாட்டை பிரதமர் நரேந்திர மோடி தொகுத்து வழங்குகின்றார்.இந்த ஆண்டின் மாநாடு நான்காவது முறையாக நடைபெறுகிறது. முன்பு பிரான்ஸ், தென் கொரியா மற்றும் இங்கிலாந்து ஆகிய நாடுகளில் நிகழ்ந்தது.ஆனால் வளரும் நாடு ஒன்று இதை நடத்துவது இதுவே முதல் முறை.ஸ்டான்போர்ட் பல்கலைக்கழக கணக்கீட்டின்படி, இந்தியா கடந்த ஆண்டு அமெரிக்கா மற்றும் சீனாவிற்கு பின் AI போட்டித்தன்மையில் மூன்றாவது இடத்தைப் பிடித்துள்ளது.மாநாட்டில் பிரெஞ்சு ஜனாதிபதி எம்மானுவேல் மக்ரோன், பிரேசில் ஜனாதிபதி லூயிஸ் இனாசியோ லுலா டா சில்வா உள்ளிட்ட 20 தேசியத் தலைவர்கள், 250,000க்கும் மேற்பட்ட பார்வையாளர்கள் மற்றும் 45 அமைச்சர்கள் மட்டக் குழுக்கள் கலந்து கொள்ளவுள்ளனர்.OpenAI தொழில்நுட்பத் தலைவர் சாம் ஆல்ட்மேன் மற்றும் கூகிள் CEO சுந்தர் பிச்சை உள்ளிட்ட விருந்தினர்களும் உள்ளனர்."இந்த உச்சிமாநாடு ஒரு சிலருக்கு மட்டுமல்ல, பலருக்கும் உண்மையிலேயே சேவை செய்யும் AI-க்கான ஒரு பகிரப்பட்ட தொலைநோக்குப் பார்வையை வடிவமைக்கும்" என்று இந்தியாவின் தகவல் தொழில்நுட்ப அமைச்சகம் தெரிவித்துள்ளது.இந்திய அரசு கடந்த ஆண்டு AI ஆளுகை வழிகாட்டுதல்களில் நம்பிக்கை, பாதுகாப்பு, சமநிலை மற்றும் கட்டுப்பாடு ஆகிய கொள்கைகளை வெளியிட்டது