வெள்ளத்தில் மிதக்கும் பளை பொதுச்சந்தை; தொற்று நோய்கள் பரவும் வாய்ப்பு மக்கள் விசனம் கடந்த இரு நாட்களாக பெய்த கனமழை காரணமாக பச்சிலைப்பள்ளி - பளை பொது சந்தை வெள்ளத்தில் மூழ்கியுள்ளது. இதனால் மரக்கறி சந்தை மற்றும் மீன் சந்தைக்கு வரும் மக்கள் இன்றைய தினம்  மிகவும் நெருக்கடியை எதிர்நோக்கி வருகின்றனர்.பொதுத் தந்தை சுற்றுச்சூழல் முழுவதும் வெள்ளம் வியாபித்து காணப்படுவதால் தமது பயண ஒழுங்குகளையும் தமது வர்த்தக செயற்பாடுகளையும் மேற்கொள்வதற்கு வெள்ளம் இடையூறாகக இருப்பதாகவும் பல தொற்று நோய் ஏற்படும் வாய்ப்புகள் உள்ளதாகவும் பச்சிலைப்பள்ளி மக்கள் தமது விசனத்தை தெரிவித்துள்ளனர். இதேவேளை பச்சிலைப்பள்ளி பொதுச்சந்தையில் தற்போது புனரமைப்பு வேலைகள் நடைபெறுவதோடு ஆங்காங்கு கட்டிட பொருட்கள் குவித்த வண்ணம் இருப்பதாகவும்,இவ்வேளை திட்டங்களை மிக விரைவில் நிவர்த்தி செய்து தருமாறும், வெள்ளத்தினை கட்டுப்படுத்த உடனடி நடவடிக்கை எடுக்குமாறும் மக்கள் கேட்டு கொண்டுள்ளனர்.