காபி குடித்ததும் சுறுசுறுப்பு ஏற்படுவது ஏன் காலையில் ஒரு கப் காபி குடித்ததும் புத்துணர்ச்சியும் சுறுசுறுப்பும் கிடைப்பதாகப் பலர் உணர்கின்றனர். ஆனால், காபியில் உள்ள காஃபின் உடலுக்குப் புதிதாக ஆற்றலை உருவாக்குவதில்லை என ஆய்வுகள் தெரிவிக்கின்றன.காஃபின் ஒரு நரம்பு மண்டலத் தூண்டியாகச் செயல்பட்டு, மூளையில் சோர்வை உணரச் செய்யும் அடினோசின் என்ற வேதிப்பொருளின் செயல்பாட்டைத் தற்காலிகமாகத் தடுக்கிறது. இதனால் விழிப்புணர்வு, கவனம் மற்றும் செயல்திறன் அதிகரித்தது போன்ற உணர்வு ஏற்படுகிறது. மேலும், டோபமைன் மற்றும் நோராட்ரெனலின் போன்ற மூளைச் செயல்பாட்டுடன் தொடர்புடைய வேதிப்பொருட்களின் செயல்பாட்டிலும் காஃபின் தாக்கத்தை ஏற்படுத்துகிறது.எனினும், மாலை அல்லது இரவு நேரங்களில் காபி குடிப்பது தூக்கத்தைப் பாதிக்கக்கூடும். குறிப்பாக, உறங்குவதற்கு ஆறு மணி நேரத்திற்கு முன்பே காபி குடிப்பதைத் தவிர்ப்பது நல்லது எனப் பரிந்துரைக்கப்படுகிறது.எனவே, காபியை உடலுக்கு ஆற்றல் வழங்கும் பானமாகக் கருதாமல், சரியான நேரத்தில் அளவோடு பருகுவதே சிறந்தது.