பசிபிக் கடலில் அமெரிக்க ராணுவம் அதிரடித் தாக்குதல் அமெரிக்காவின் தெற்கு கட்டளைப் பிரிவு, கிழக்கு பசிபிக் கடற்பகுதியில் போதைப்பொருள் கடத்தல் மற்றும் பயங்கரவாத அமைப்புகளுடன் தொடர்புடைய கப்பல் ஒன்றின் மீது கொடிய நேரடித் தாக்குதலை நடத்தி அதனை அதிரடியாக அழித்துள்ளது.தெற்கு கட்டளைப் பிரிவின் தளபதி ஜெனரல் பிரான்சிஸ் எல். டோனோவனின் நேரடி உத்தரவின் பேரில், அமெரிக்காவின் 'கூட்டுப் பணிப்படை சதர்ன் ஸ்பியர்' (Joint Task Force Southern Sphere) இந்த அதிரடி வேட்டையை நடத்தியுள்ளது.பசிபிக் கடலின் முக்கிய போதைப்பொருள் கடத்தல் பாதையில் சென்று கொண்டிருந்த அந்த விசைப்படகு, பயங்கரவாத அமைப்புகளுக்கு நிதியுதவி செய்யும் நோக்கில் போதைப்பொருட்களைக் கடத்திச் சென்றதை அமெரிக்க உளவுத்துறை முன்கூட்டியே உறுதி செய்தது. இதனைத் தொடர்ந்து நடத்தப்பட்ட துல்லியமான தாக்குதலில், கப்பலில் இருந்த மூன்று ஆண் போதைப்பொருள் பயங்கரவாதிகள் சம்பவ இடத்திலேயே கொல்லப்பட்டனர்.மிகவும் ஆபத்தான இந்தச் சிறப்பு ராணுவ நடவடிக்கையின் போது, அமெரிக்கப் படையினர் யாருக்கும் எந்தவித பாதிப்பும் ஏற்படவில்லை என அமெரிக்கத் தெற்கு கட்டளைப் பிரிவு அதிகாரப்பூர்வமாக அறிவித்துள்ளது.