ஈரான் வர்த்தகத்திற்குச் சிவப்புக் கோடு-உலக நாடுகளுக்கு வாஷிங்டன் விதிக்கும் அச்சுறுத்தும் கெடு ஈரானின் நிதி ஆதாரங்களை முற்றிலும் முடக்கும் நோக்கில், வாஷிங்டன் தனது மிகவும் சக்திவாய்ந்த ஆயுதமான ‘இரண்டாம் நிலைத் தடைகளை’ (Secondary Sanctions) தீவிரமாகச் செயல்படுத்தத் தொடங்கியுள்ளது. ஈரானை மட்டும் தனிமைப்படுத்துவதற்குப் பதிலாக, தெஹ்ரானுடன் வர்த்தக உறவு வைத்துக்கொள்ளும் உலக நாடுகள், சர்வதேச வங்கிகள் மற்றும் தனியார் நிறுவனங்களைக் குறிவைத்து பொருளாதாரத் தடை விதிக்கப்படும் என அமெரிக்கக் கருவூலச் செயலர் ஸ்காட் பெசென்ட் (Scott Bessent) எச்சரித்துள்ளார்.உலக வர்த்தகத்தில் அமெரிக்க டாலரின் (USD) ஆதிக்கத்தையும், அமெரிக்க நிதி அமைப்பையும் (US Financial System) முதன்மை ஆயுதமாகப் பயன்படுத்தி இந்த நிதி முற்றுகையை வாஷிங்டன் தீவிரப்படுத்தியுள்ளது.ஒரு நாடு அமெரிக்காவுடன் நேரடி வர்த்தகம் செய்யாவிட்டாலும், ஈரானுடன் வணிகத்தில் ஈடுபடும் பட்சத்தில், அந்நாட்டின் வங்கிகள் டாலர் பரிவர்த்தனைகளைப் பயன்படுத்தக் கூடாது என அமெரிக்கா முடக்கும். இதன் மூலம் உலகளாவிய நிறுவனங்கள் ஈரானை விட்டு விலகக் கட்டாயப்படுத்தப்படுகின்றன.2017 CAATSA சட்டத்தின் கீழ் ரஷ்யாவிடமிருந்து Su-35 போர்க்கப்பல் மற்றும் S-400 வான் பாதுகாப்பு அமைப்புகளை வாங்கியதற்காகச் சீன இராணுவப் பிரிவு மீதும், பின்னர் துருக்கியின் பாதுகாப்புத் துறை மீதும் அமெரிக்கா இத்தகைய தடைகளை வெற்றிகரமாக அமல்படுத்தியது.ஈரானிய எண்ணெயின் முதன்மைப் பயனாளியான சீனா மீது கடுமையான இரண்டாம் நிலைத் தடைகள் விதிக்கப்பட்டால், அது பெய்ஜிங்கின் எதிர்-நடவடிக்கைகளுக்கு வழிவகுக்கும். மேலும், ஹோர்முஸ் ஜலசந்தி பதற்றத்துடன் சேர்ந்து உலகளாவிய எரிபொருள் விலையேற்றத்திற்கும் வழிவகுக்கும்