பிற்பகல் ஒரு மணிக்குப் பின் மழை பெய்யக் கூடும். இன்றைய வானிலை வடக்கு, கிழக்கு, வடமத்திய, மத்திய, வடமேல் மற்றும் ஊவா மாகாணங்களில் இடைக்கிடையே மழை பெய்ய வாய்ப்புள்ளது என வளிமண்டலவியல் திணைக்களம் தெரிவித்துள்ளது. ​மேலும், நாட்டின் ஏனைய பிராந்தியங்களின் பல இடங்களில் பிற்பகல் ஒரு மணிக்குப் பின்னர் இடியுடன் கூடிய மழை பெய்யலாம். இப் பிராந்தியங்களின் சில இடங்களில் 50 மில்லிமீற்றரிலும் கூடிய ஓரளவு பலத்த மழை பெய்யக்கூடும்.​மத்திய மலை கிழக்கு சரிவுகள், வடக்கு, வடமத்திய, வடமேல் மாகாணங்கள், திருகோணமலை, ஹம்பாந்தோட்டை, மொனராகலைில் 30-40 கி.மி வேகத்தில் காற்று வீசும். மத்திய, சப்ரகமுவ, தென் மாகாணங்களில் அதிகாலை பனி மூட்டம் காணப்படும்.​புத்தளம்-மன்னார்-காங்கேசன்துறை-திருகோணமலை-பொத்துவில் வரையான கரையோரத்திற்கு அப்பால் உள்ள கடல் பிராந்தியங்களின் பல இடங்களில் மழை அல்லது இடியுடன் கூடிய மழை பெய்யக்கூடும்.கொழும்பு-புத்தளம்-திருகோணமலை-ஹம்பாந்தோட்டை-பொத்துவில் வரையான கடல் பிராந்தியங்களில் மணித்தியாலத்திற்கு 50 - 55 கிலோமீற்றரிலும் கூடிய வேகத்தில் அடிக்கடி காற்று அதிகரித்து வீசக் கூடும்.நாட்டை சூழ உள்ள ஏனைய கடல் பிராந்தியங்கள் இடைக்கிடையே ஓரளவு கொந்தளிப்பாகக் காணப்படும்.​பலத்த காற்று, மின்னல் தாக்கங்கள் ஏற்படும் சூழலில் மக்கள் அவதானத்துடன் இருக்குமாறு வளிமண்டலவியல் திணைக்களம் கேட்டுக்கொள்கிறது