ஹோர்முஸில் புதிய தற்காலிக பாதை-ஈரான்–ஓமன் எடுத்த முக்கிய முடிவு சர்வதேச அளவில் மிக முக்கியமான வர்த்தக நீர்வழியான ஹோர்முஸ் ஜலசந்தியில் (Strait of Hormuz) கப்பல் போக்குவரத்தைச் சீரமைக்கும் நோக்கில், ஒரு புதிய தற்காலிக வழித்தடத்திற்கு (Temporary Shipping Corridor) ஈரானும் ஓமானும் அதிகாரப்பூர்வமாக ஒப்புக்கொண்டுள்ளன.ஈரானின் சட்ட மற்றும் சர்வதேச விவகாரங்களுக்கான துணை வெளியுறவு அமைச்சர் காசெம் கரிபாபாடி (Kassem Gharibabadi) மற்றும் தெஹ்ரானில் ஓமன் வெளியுறவு அமைச்சர் பத்ர் அல்புசைதியை (Badr Albusaidi) சந்தித்த ஈரான் வெளியுறவு அமைச்சர் அப்பாஸ் அராக்சி (Abbas Araghchi) ஆகியோர் இந்த ராஜதந்திரப் திருப்புமுனையை எட்டியுள்ளனர்.7 மைல் (11.3 கி.மீ) அகலம் கொண்ட இந்த புதிய தற்காலிக வழித்தடத்தின் நுழைவுப் பகுதி மற்றும் வெளியேறும் பாதையின் ஒரு பகுதி ஈரானின் பிராந்தியக் கடல் எல்லைக்குள்ளேயே (Territorial Waters) அமையும் என கரிபாபாடி உறுதியளித்துள்ளார்.ஜூன் மாதம் கையெழுத்தான இடைக்கால ஒப்பந்தத்தின்படி தடைகளைத் தளர்த்தி, முடக்கப்பட்ட ஈரானிய சொத்துக்களை அமெரிக்கா விடுவிக்கும் வரை நீர்வழிப்பாதை முழுமையாகத் திறக்கப்படாது. மேலும், அமெரிக்கக் கண்ணிவெடி அகற்றும் கப்பல்கள் அப்பகுதிக்குள் நுழைந்தால் அவை "மிகச் சிறந்த இலக்குகளாக" (Legitimate Targets) மாறும் எனத் தெஹ்ரான் எச்சரித்துள்ளது.உலகளாவிய எண்ணெய் மற்றும் LNG விநியோகத்தில் 20% கையாளும் இந்த நீரிணையில் அமைதியை ஏற்படுத்த ஓமன் முயலும் வேளையில், ஓமானின் அஷ் ஷிஷா அருகே எண்ணெய் கப்பல் ஒன்று அடையாளம் தெரியாத எறிபொருளால் தாக்கப்பட்டு செயலிழந்தது பதற்றத்தை அதிகரித்துள்ளது.