"என்னை அமைதியாக்க முடியாது"-ஆத்திரத்தில் சீறிய நெதன்யாகு ஐக்கிய நாடுகள் பொதுச் சபையில் உரையாற்றிய இஸ்ரேல் பிரதமர் பெஞ்சமின் நெதன்யாகு, நியூயார்க் மேயர் ஜோஹ்ரான் மம்தானியை நேரடியாகக் குறிப்பிட்டு கடுமையான விமர்சனங்களை முன்வைத்தார்.தன்னை ஐ.நா. பொதுச் சபைக்கு வரவிடாமல் தடுக்கவும், தனது கருத்துகளை அமைதியாக்கவும் மம்தானி முயன்றதாகக் கூறிய நெதன்யாகு, “உங்களால் என்னை அமைதியாக்க முடியாது; உண்மையையும் அமைதியாக்க முடியாது” எனத் தெரிவித்தார்.மம்தானி, நெதன்யாகுவின் காசா போர் தொடர்பான நடவடிக்கைகளை கடுமையாக விமர்சித்து வந்துள்ள நிலையில், இருவருக்கும் இடையிலான அரசியல் மோதல் ஏற்கனவே சர்வதேச அளவில் கவனம் பெற்றுள்ளது. நெதன்யாகு தனது ஐ.நா. உரைக்கு முன்பாகவே மம்தானியின் விமர்சனங்களுக்கு பதிலளிக்கப் போவதாக தெரிவித்திருந்தார்.இதனிடையே, நெதன்யாகு ஐ.நா. பொதுச் சபையில் உரையாற்றத் தொடங்கியபோது பல நாடுகளின் பிரதிநிதிகள் அரங்கில் இருந்து வெளியேறினர். இந்த நடவடிக்கையை நெதன்யாகு விமர்சித்து, வெளியேறியவர்களை “தார்மீகக் கோழைகள்” எனக் குறிப்பிட்டார் என்று ராய்ட்டர்ஸ் தெரிவித்துள்ளது.காசா போர், இஸ்ரேலின் இராணுவ நடவடிக்கைகள் மற்றும் அதுதொடர்பான சர்வதேச விமர்சனங்கள் ஆகியவை இந்த ஆண்டு ஐ.நா. பொதுச் சபை விவாதங்களில் முக்கிய இடம் பெற்றுள்ள நிலையில், நெதன்யாகுவின் உரையும் அதற்கு ஏற்பட்ட எதிர்ப்பும் மீண்டும் சர்வதேச கவனத்தை ஈர்த்துள்ளன.