நாமல் ராஜபக்ஷவுக்கு எதிரான வழக்கு - நீதிமன்றம் இன்று பிறப்பித்த உத்தரவு பாராளுமன்ற உறுப்பினர் நாமல் ராஜபக்ஷவுக்கு எதிராக சட்டமா அதிபர் தாக்கல் செய்த வழக்கை செப்டம்பர் 26 ஆம் திகதி மீண்டும் விசாரணைக்கு எடுத்துக்கொள்ள கொழும்பு மேல் நீதிமன்றம் இன்று (27) உத்தரவிட்டது.ரக்பி விளையாட்டை ஊக்குவிப்பதற்காக இந்திய நிறுவனமான கிரிஷிடமிருந்து 70 மில்லியன் ரூபாயை பெற்றுக்கொண்டு நம்பிக்கையை மீறியதாக நாமல் ராஜபக்ஷவுக்கு எதிராக வழக்கு தொடரப்பட்டுள்ளது.இந்த வழக்கு கொழும்பு மேல் நீதிமன்ற நீதிபதி பிரதீப் அபேரத்ன முன் விசாரணைக்கு எடுத்துக்கொள்ளப்பட்டது. பிணையில் விடுவிக்கப்பட்ட குற்றம் சாட்டப்பட்ட நாமல் ராஜபக்ஷவும் நீதிமன்றத்தில் ஆஜரானார்.வழக்கில் பட்டியலிடப்பட்டுள்ள ஆவணங்களைத் தவிர வேறு பல ஆவணங்களை சமர்ப்பிக்குமாறு பிரதிவாதி கோரியுள்ளதாக அரசு தரப்பு சார்பில் ஆஜரான துணை சொலிசிட்டர் ஜெனரல் வசந்த பெரேரா தெரிவித்தார்.அந்த ஆவணங்களை சமர்ப்பிக்க கால அவகாசம் வழங்குமாறு துணை சொலிசிட்டர் ஜெனரலும் நீதிமன்றத்திடம் கோரிக்கை விடுத்துள்ளார். அதன்படி, பிரதிவாதிகள் கோரிய ஆவணங்களை வழங்க நடவடிக்கை எடுக்குமாறும்  வழக்கை செப்டம்பர் 26 ஆம் திகதி விசாரணைக்கு எடுத்துக்கொள்ள உத்தரவிட்டார்.