அதிரடியாக களம் இறங்கிய விமானப்படை-வெள்ளத்தில் தென்னை மரத்தில் சிக்கிய நபர் மீட்பு நாட்டில் நிலவும் சீரற்ற காலநிலையால் ஏற்பட்டுள்ள அசாதாரண வெள்ள அனர்த்தத்தின் விளைவாக அனுராதபுரத்தில்  கலா வவி  நீர்மட்டம் திடீரென அதிகரித்து வெள்ளப்பெருக்கு ஏற்பட்டதைத் தொடர்ந்து, வெள்ளத்தில் சிக்கி நேற்று முதல் ஒரு தென்னை மரத்தில் தஞ்சம் பெற்று உயிர் தப்பியிருந்த நபரை இலங்கை விமானப்படை இன்று காலை அதிரடியாக மீட்டுள்ளது.குறித்த சம்பவத்தின் போது காலையில் அவசர அழைப்பு கிடைத்ததைத் தொடர்ந்து,இலங்கை விமானப்படை  Bell-212 ஹெலிகாப்டர் ஒன்றை சம்பவ இடத்துக்கு விரைவாக அனுப்பியது.உயர் நீர் வேகமும் பலத்த காற்றும் இருந்தபோதிலும், விமானப்படை மிகுந்த துல்லியத்துடன் நபரை பாதுகாப்பாக தூக்கி மீட்டது.நேற்று மாலை வெள்ளம் திடீரென பெருக்கெடுத்து ஓடியபோது,அந்த நபர் நீரில் சிக்கிக் கொண்டார்.நீர் வேகம் அதிகமானதால் கரை சேர முடியாமல் அருகிலிருந்த தென்னைமரத்தில் ஏறி உயிர்தப்பினார்.இந்த நிலையில் , விமானப்படையினர் மிகவும்  துல்லியத்துடன் குறித்த  நபரை பாதுகாப்பாக  மீட்டனர்.குறித்த காணொளி இணையத்தில் வைரலாக பகிரப்பட்டு வருகின்றது.